| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၅. နဝပုရာဏဝဂ္ဂော
15. Navapurāṇavaggo
၁. ကမ္မနိရောဓသုတ္တဝဏ္ဏနာ
1. Kammanirodhasuttavaṇṇanā
၁၄၆. နဝပုရာဏဝဂ္ဂသ္သ ပဌမေ နဝပုရာဏာနီတိ နဝာနိ စ ပုရာဏာနိ စ။ စက္ခု, ဘိက္ခဝေ, ပုရာဏကမ္မန္တိ န စက္ခု ပုရာဏံ, ကမ္မမေဝ ပုရာဏံ, ကမ္မတော ပန နိဗ္ဗတ္တတ္တာ ပစ္စယနာမေန ဧဝံ ဝုတ္တံ။ အဘိသင္ခတန္တိ ပစ္စယေဟိ အဘိသမာဂန္တ္ဝာ ကတံ။ အဘိသဉ္စေတယိတန္တိ စေတနာယ ပကပ္ပိတံ။ ဝေဒနိယံ ဒဋ္ဌဗ္ဗန္တိ ဝေဒနာယ ဝတ္ထူတိ ပသ္သိတဗ္ဗံ။ နိရောဓာ ဝိမုတ္တိံ ဖုသတီတိ ဣမသ္သ တိဝိဓသ္သ ကမ္မသ္သ နိရောဓေန ဝိမုတ္တိံ ဖုသတိ။ အယံ ဝုစ္စတီတိ အယံ တသ္သာ ဝိမုတ္တိယာ အာရမ္မဏဘူတော နိရောဓော ကမ္မနိရောဓောတိ ဝုစ္စတိ။ ဣတိ ဣမသ္မိံ သုတ္တေ ပုဗ္ဗဘာဂဝိပသ္သနာ ကထိတာ။
146. Navapurāṇavaggassa paṭhame navapurāṇānīti navāni ca purāṇāni ca. Cakkhu, bhikkhave, purāṇakammanti na cakkhu purāṇaṃ, kammameva purāṇaṃ, kammato pana nibbattattā paccayanāmena evaṃ vuttaṃ. Abhisaṅkhatanti paccayehi abhisamāgantvā kataṃ. Abhisañcetayitanti cetanāya pakappitaṃ. Vedaniyaṃ daṭṭhabbanti vedanāya vatthūti passitabbaṃ. Nirodhā vimuttiṃ phusatīti imassa tividhassa kammassa nirodhena vimuttiṃ phusati. Ayaṃ vuccatīti ayaṃ tassā vimuttiyā ārammaṇabhūto nirodho kammanirodhoti vuccati. Iti imasmiṃ sutte pubbabhāgavipassanā kathitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. ကမ္မနိရောဓသုတ္တံ • 1. Kammanirodhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁. ကမ္မနိရောဓသုတ္တဝဏ္ဏနာ • 1. Kammanirodhasuttavaṇṇanā
