| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
7. කණ්‌හසුත්‌තවණ්‌ණනා
7. Kaṇhasuttavaṇṇanā
7. සත්‌තමෙ යථා ‘‘කණ්‌හා ගාවී’’තිආදීසු කාළවණ්‌ණෙන සමන්‌නාගතා ‘‘කණ්‌හා’’ති වුච්‌චති, න එවං කාළවණ්‌ණතාය ධම්‌මා ‘‘කණ්‌හා’’ති වුච්‌චන්‌ති, අථ ඛො කණ්‌හාභිජාතිනිබ්‌බත්‌තිහෙතුතො අප්‌පභස්‌සරභාවකරණතො වා ‘‘කණ්‌හා’’ති වුච්‌චන්‌තීති දස්‌සෙන්‌තො ‘‘න කාළවණ්‌ණතායා’’තිආදිමාහ. කණ්‌හතායාති කණ්‌හාභිජාතිතාය. කණ්‌හාභිජාතීති ච අපායා වුච්‌චන්‌ති මනුස්‌සෙසු ච දොභග්‌ගියං. සරසෙනාති සභාවෙන. න හිරීයති න ලජ්‌ජතීති අහිරිකො, පුග්‌ගලො, චිත්‌තං, තං සම්‌පයුත්‌තධම්‌මසමුදායො වා. තස්‌ස භාවො අහිරික්‌කන්‌ති වත්‌තබ්‌බෙ එකස්‌ස ක-කාරස්‌ස ලොපං කත්‌වා අහිරිකන්‌ති වුත්‌තන්‌ති ආහ ‘‘අහිරිකන්‌ති අහිරිකභාවො’’ති. න ඔත්‌තප්‌පතීති අනොත්‌තාපී, පුග්‌ගලො, යථාවුත්‌තධම්‌මසමුදායො වා, තස්‌ස භාවො අනොත්‌තප්‌පන්‌ති ආහ ‘‘අනොත්‌තාපිභාවො’’ති.
7. Sattame yathā ‘‘kaṇhā gāvī’’tiādīsu kāḷavaṇṇena samannāgatā ‘‘kaṇhā’’ti vuccati, na evaṃ kāḷavaṇṇatāya dhammā ‘‘kaṇhā’’ti vuccanti, atha kho kaṇhābhijātinibbattihetuto appabhassarabhāvakaraṇato vā ‘‘kaṇhā’’ti vuccantīti dassento ‘‘na kāḷavaṇṇatāyā’’tiādimāha. Kaṇhatāyāti kaṇhābhijātitāya. Kaṇhābhijātīti ca apāyā vuccanti manussesu ca dobhaggiyaṃ. Sarasenāti sabhāvena. Na hirīyati na lajjatīti ahiriko, puggalo, cittaṃ, taṃ sampayuttadhammasamudāyo vā. Tassa bhāvo ahirikkanti vattabbe ekassa ka-kārassa lopaṃ katvā ahirikanti vuttanti āha ‘‘ahirikanti ahirikabhāvo’’ti. Na ottappatīti anottāpī, puggalo, yathāvuttadhammasamudāyo vā, tassa bhāvo anottappanti āha ‘‘anottāpibhāvo’’ti.
කණ්‌හසුත්‌තවණ්‌ණනා නිට්‌ඨිතා.
Kaṇhasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 7. කණ්‌හසුත්‌තං • 7. Kaṇhasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7. කණ්‌හසුත්‌තවණ්‌ණනා • 7. Kaṇhasuttavaṇṇanā
