| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
කථිනාදිජානිතබ්‌බවිභාගවණ්‌ණනා
Kathinādijānitabbavibhāgavaṇṇanā
412. යෙසු රූපාදිධම්‌මෙසූති ‘‘පුරිමවස්‌සංවුත්‌ථා භික්‌ඛූ, පඤ්‌චහි අනූනො සඞ්‌ඝො, චීවරමාසො, ධම්‌මෙන සමෙන සමුප්‌පන්‌නං චීවර’’න්‌ති එවමාදීසු යෙසු රූපාරූපධම්‌මෙසු. සතීති සන්‌තෙසු. මිස්‌සීභාවොති සංසග්‌ගතා සමූහපඤ්‌ඤත්‌තිමත්‌තං. තෙනාහ ‘‘න පරමත්‌ථතො එකො ධම්‌මො අත්‌ථී’’ති.
412.Yesurūpādidhammesūti ‘‘purimavassaṃvutthā bhikkhū, pañcahi anūno saṅgho, cīvaramāso, dhammena samena samuppannaṃ cīvara’’nti evamādīsu yesu rūpārūpadhammesu. Satīti santesu. Missībhāvoti saṃsaggatā samūhapaññattimattaṃ. Tenāha ‘‘na paramatthato eko dhammo atthī’’ti.
416. එකතො උප්‌පජ්‌ජන්‌තීති කථිනුද්‌ධාරෙන සහ උප්‌පජ්‌ජමානාරහා හොන්‌තීති අත්‌ථො. කථිනත්‌ථාරතො හි පභුති සබ්‌බෙ කථිනුද්‌ධාරා තං තං කාරණන්‌තරමාගම්‌ම උප්‌පජ්‌ජන්‌ති, තස්‌මා සබ්‌බෙ එකුප්‌පාදා නාම ජාතා. තෙසු අන්‌තරුබ්‌භාරසහුබ්‌භාරා ද්‌වෙ එව තං විහාරං අනත්‌ථතකථිනවිහාරසදිසං කරොන්‌තා සයං සකලෙන කථිනත්‌ථාරෙන සහ නිරුජ්‌ඣන්‌ති උද්‌ධාරභාවං පාපුණන්‌ති . අවසෙසා පන තං තං පාටිපුග්‌ගලිකමෙව කථිනත්‌ථාරං ද්‌වින්‌නං පලිබොධානං උපච්‌ඡින්‌දනවසෙන නිරොධෙන්‌තා සයං උද්‌ධාරභාවං පාපුණන්‌ති, න සකලං කථිනත්‌ථාරං. කථිනුද්‌ධාරානඤ්‌ච නිරොධො නාම තං තං කාරණමාගම්‌ම උද්‌ධාරභාවප්‌පත්‌ති, එවඤ්‌ච උප්‌පත්‌ති නාම කථිනුද්‌ධාරො එව. තෙනාහ ‘‘සබ්‌බෙපි අත්‌ථාරෙන සද්‌ධිං එකතො උප්‌පජ්‌ජන්‌තී’’තිආදි. තත්‌ථ පුරිමා ද්‌වෙති ‘‘එකුප්‌පාදා එකනිරොධා’’ති පාළියං පඨමං වුත්‌තා අන්‌තරුබ්‌භාරසහුබ්‌භාරා ද්‌වෙ. තෙසූති පක්‌කමනන්‌තිකාදීසු. උද්‌ධාරභාවං පත්‌තෙසූති උද්‌ධාරභාවප්‌පත්‌තිසඞ්‌ඛාතනිරොධං පත්‌තෙසූති අත්‌ථො. අත්‌ථාරො තිට්‌ඨතීති කතචීවරං ආදාය පක්‌කන්‌තාදිපුග්‌ගලං ඨපෙත්‌වා තදවසෙසානං පලිබොධසබ්‌භාවතො කථිනත්‌ථාරො තිට්‌ඨති.
416.Ekato uppajjantīti kathinuddhārena saha uppajjamānārahā hontīti attho. Kathinatthārato hi pabhuti sabbe kathinuddhārā taṃ taṃ kāraṇantaramāgamma uppajjanti, tasmā sabbe ekuppādā nāma jātā. Tesu antarubbhārasahubbhārā dve eva taṃ vihāraṃ anatthatakathinavihārasadisaṃ karontā sayaṃ sakalena kathinatthārena saha nirujjhanti uddhārabhāvaṃ pāpuṇanti . Avasesā pana taṃ taṃ pāṭipuggalikameva kathinatthāraṃ dvinnaṃ palibodhānaṃ upacchindanavasena nirodhentā sayaṃ uddhārabhāvaṃ pāpuṇanti, na sakalaṃ kathinatthāraṃ. Kathinuddhārānañca nirodho nāma taṃ taṃ kāraṇamāgamma uddhārabhāvappatti, evañca uppatti nāma kathinuddhāro eva. Tenāha ‘‘sabbepi atthārena saddhiṃ ekato uppajjantī’’tiādi. Tattha purimā dveti ‘‘ekuppādā ekanirodhā’’ti pāḷiyaṃ paṭhamaṃ vuttā antarubbhārasahubbhārā dve. Tesūti pakkamanantikādīsu. Uddhārabhāvaṃ pattesūti uddhārabhāvappattisaṅkhātanirodhaṃ pattesūti attho. Atthāro tiṭṭhatīti katacīvaraṃ ādāya pakkantādipuggalaṃ ṭhapetvā tadavasesānaṃ palibodhasabbhāvato kathinatthāro tiṭṭhati.
කථිනාදිජානිතබ්‌බවිභාගවණ්‌ණනා නිට්‌ඨිතා.
Kathinādijānitabbavibhāgavaṇṇanā niṭṭhitā.
පඤ්‌ඤත්‌තිවග්‌ගවණ්‌ණනානයො නිට්‌ඨිතො.
Paññattivaggavaṇṇanānayo niṭṭhito.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
4. කථිනාදිජානිතබ්‌බවිභාගො • 4. Kathinādijānitabbavibhāgo
6. පලිබොධපඤ්‌හාබ්‍යාකරණං • 6. Palibodhapañhābyākaraṇaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / කථිනාදිජානිතබ්‌බවිභාගවණ්‌ණනා • Kathinādijānitabbavibhāgavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / කථිනභෙදවණ්‌ණනා • Kathinabhedavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
කථිනාදිජානිතබ්‌බවිභාගවණ්‌ණනා • Kathinādijānitabbavibhāgavaṇṇanā
පලිබොධපඤ්‌හාබ්‍යාකරණකථාවණ්‌ණනා • Palibodhapañhābyākaraṇakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / කථිනාදිජානිතබ්‌බවිභාගවණ්‌ණනා • Kathinādijānitabbavibhāgavaṇṇanā
