Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. ခန္ဓသုတ္တံ
10. Khandhasuttaṃ
၃၃၁. သာဝတ္ထိနိဒာနံ။ ‘‘ယော, ဘိက္ခဝေ, ရူပသ္မိံ ဆန္ဒရာဂော, စိတ္တသ္သေသော ဥပက္ကိလေသော။ပေ.။ ယော ဝိညာဏသ္မိံ ဆန္ဒရာဂော, စိတ္တသ္သေသော ဥပက္ကိလေသော။ ယတော ခော, ဘိက္ခဝေ, ဘိက္ခုနော ဣမေသု ပဉ္စသု ဌာနေသု စေတသော ဥပက္ကိလေသော ပဟီနော ဟောတိ, နေက္ခမ္မနိန္နဉ္စသ္သ စိတ္တံ ဟောတိ။ နေက္ခမ္မပရိဘာဝိတံ စိတ္တံ ကမ္မနိယံ ခာယတိ, အဘိညာ သစ္ဆိကရဏီယေသု ဓမ္မေသူ’’တိ။ ဒသမံ။
331. Sāvatthinidānaṃ. ‘‘Yo, bhikkhave, rūpasmiṃ chandarāgo, cittasseso upakkileso…pe… yo viññāṇasmiṃ chandarāgo, cittasseso upakkileso. Yato kho, bhikkhave, bhikkhuno imesu pañcasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Dasamaṃ.
ကိလေသသံယုတ္တံ သမတ္တံ။
Kilesasaṃyuttaṃ samattaṃ.
တသ္သုဒ္ဒာနံ –
Tassuddānaṃ –
စက္ခု ရူပဉ္စ ဝိညာဏံ၊ ဖသ္သော စ ဝေဒနာယ စ။
Cakkhu rūpañca viññāṇaṃ, phasso ca vedanāya ca;
သညာ စ စေတနာ တဏ္ဟာ၊ ဓာတု ခန္ဓေန တေ ဒသာတိ။
Saññā ca cetanā taṇhā, dhātu khandhena te dasāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. ကိလေသသံယုတ္တဝဏ္ဏနာ • 6. Kilesasaṃyuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. ကိလေသသံယုတ္တဝဏ္ဏနာ • 6. Kilesasaṃyuttavaṇṇanā