| Library / Tipiṭaka / තිපිටක • Tipiṭaka / පටිසම්‌භිදාමග්‌ගපාළි • Paṭisambhidāmaggapāḷi |
41. ඛන්‌තිඤාණනිද්‌දෙසො
41. Khantiñāṇaniddeso
92. කථං විදිතත්‌තා පඤ්‌ඤා ඛන්‌තිඤාණං? රූපං අනිච්‌චතො විදිතං , රූපං දුක්‌ඛතො විදිතං, රූපං අනත්‌තතො විදිතං. යං යං විදිතං තං තං ඛමතීති – විදිතත්‌තා පඤ්‌ඤා ඛන්‌තිඤාණං. වෙදනා…පෙ.… සඤ්‌ඤා… සඞ්‌ඛාරා… විඤ්‌ඤාණං… චක්‌ඛු…පෙ.… ජරාමරණං අනිච්‌චතො විදිතං, ජරාමරණං දුක්‌ඛතො විදිතං, ජරාමරණං අනත්‌තතො විදිතං. යං යං විදිතං තං තං ඛමතීති – විදිතත්‌තා පඤ්‌ඤා ඛන්‌තිඤාණං. තං ඤාතට්‌ඨෙන ඤාණං, පජානනට්‌ඨෙන පඤ්‌ඤා. තෙන වුච්‌චති – ‘‘විදිතත්‌තා පඤ්‌ඤා ඛන්‌තිඤාණං’’.
92. Kathaṃ viditattā paññā khantiñāṇaṃ? Rūpaṃ aniccato viditaṃ , rūpaṃ dukkhato viditaṃ, rūpaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ aniccato viditaṃ, jarāmaraṇaṃ dukkhato viditaṃ, jarāmaraṇaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘viditattā paññā khantiñāṇaṃ’’.
ඛන්‌තිඤාණනිද්‌දෙසො එකචත්‌තාලීසමො.
Khantiñāṇaniddeso ekacattālīsamo.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / පටිසම්‌භිදාමග්‌ග-අට්‌ඨකථා • Paṭisambhidāmagga-aṭṭhakathā / 41-42. ඛන්‌තිඤාණපරියොගාහණඤාණනිද්‌දෙසවණ්‌ණනා • 41-42. Khantiñāṇapariyogāhaṇañāṇaniddesavaṇṇanā
