| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
1. கோத⁴பெய்யாலங்
1. Kodhapeyyālaṃ
181. இதோ பரேஸு குஜ்ஜ²னலக்க²ணோ கோதோ⁴. உபனந்த⁴னலக்க²ணோ உபனாஹோ. ஸுகதகரணமக்க²னலக்க²ணோ மக்கோ². யுக³க்³கா³ஹலக்க²ணோ பலாஸோ. உஸூயனலக்க²ணா இஸ்ஸா. பஞ்சமச்சே²ரபா⁴வோ மச்ச²ரியங். தங் ஸப்³ப³ம்பி மச்ச²ராயனலக்க²ணங். கதபடிச்சா²த³னலக்க²ணா மாயா. கேராடிகலக்க²ணங் ஸாடெ²ய்யங். அலஜ்ஜனாகாரோ அஹிரிகங். உபவாத³தோ அபா⁴யனாகாரோ அனொத்தப்பங். அக்கோதா⁴த³யோ தேஸங் படிபக்க²வஸேன வேதி³தப்³பா³.
181. Ito paresu kujjhanalakkhaṇo kodho. Upanandhanalakkhaṇo upanāho. Sukatakaraṇamakkhanalakkhaṇo makkho. Yugaggāhalakkhaṇo palāso. Usūyanalakkhaṇā issā. Pañcamaccherabhāvo macchariyaṃ. Taṃ sabbampi maccharāyanalakkhaṇaṃ. Katapaṭicchādanalakkhaṇā māyā. Kerāṭikalakkhaṇaṃ sāṭheyyaṃ. Alajjanākāro ahirikaṃ. Upavādato abhāyanākāro anottappaṃ. Akkodhādayo tesaṃ paṭipakkhavasena veditabbā.
185. ஸெக்க²ஸ்ஸ பி⁴க்கு²னோதி ஸத்தவித⁴ஸ்ஸாபி ஸெக்க²ஸ்ஸ உபரிஉபரிகு³ணேஹி பரிஹானாய ஸங்வத்தந்தி, புது²ஜ்ஜனஸ்ஸ பன பட²மதரங்யேவ பரிஹானாய ஸங்வத்தந்தீதி வேதி³தப்³பா³. அபரிஹானாயாதி உபரிஉபரிகு³ணேஹி அபரிஹானத்தா²ய.
185.Sekkhassa bhikkhunoti sattavidhassāpi sekkhassa upariupariguṇehi parihānāya saṃvattanti, puthujjanassa pana paṭhamataraṃyeva parihānāya saṃvattantīti veditabbā. Aparihānāyāti upariupariguṇehi aparihānatthāya.
187. யதா²ப⁴தங் நிக்கி²த்தோதி யதா² ஆனெத்வா நிக்கி²த்தோ, ஏவங் நிரயே பதிட்டி²தோ வாதி வேதி³தப்³போ³.
187.Yathābhataṃ nikkhittoti yathā ānetvā nikkhitto, evaṃ niraye patiṭṭhito vāti veditabbo.
190. ஏகச்சோதி யஸ்ஸேதே கோதா⁴த³யோ அத்தி², ஸோ ஏகச்சோ நாம.
190.Ekaccoti yassete kodhādayo atthi, so ekacco nāma.
கோத⁴பெய்யாலங் நிட்டி²தங்.
Kodhapeyyālaṃ niṭṭhitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. கோத⁴பெய்யாலங் • 1. Kodhapeyyālaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. கோத⁴பெய்யாலங் • 1. Kodhapeyyālaṃ
