Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. ကောကာလိကသုတ္တံ
7. Kokālikasuttaṃ
၁၇၈. သာဝတ္ထိနိဒာနံ။ တေန ခော ပန သမယေန ဘဂဝာ ဒိဝာဝိဟာရဂတော ဟောတိ ပဋိသလ္လီနော။ အထ ခော သုဗ္ရဟ္မာ စ ပစ္စေကဗ္ရဟ္မာ သုဒ္ဓာဝာသော စ ပစ္စေကဗ္ရဟ္မာ ယေန ဘဂဝာ တေနုပသင္ကမိံသု; ဥပသင္ကမိတ္ဝာ ပစ္စေကံ ဒ္ဝာရဗာဟံ နိသ္သာယ အဋ္ဌံသု။ အထ ခော သုဗ္ရဟ္မာ ပစ္စေကဗ္ရဟ္မာ ကောကာလိကံ ဘိက္ခုံ အာရဗ္ဘ ဘဂဝတော သန္တိကေ ဣမံ ဂာထံ အဘာသိ –
178. Sāvatthinidānaṃ. Tena kho pana samayena bhagavā divāvihāragato hoti paṭisallīno. Atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu; upasaṅkamitvā paccekaṃ dvārabāhaṃ nissāya aṭṭhaṃsu. Atha kho subrahmā paccekabrahmā kokālikaṃ bhikkhuṃ ārabbha bhagavato santike imaṃ gāthaṃ abhāsi –
‘‘အပ္ပမေယ္ယံ ပမိနန္တော၊ ကောဓ ဝိဒ္ဝာ ဝိကပ္ပယေ။
‘‘Appameyyaṃ paminanto, kodha vidvā vikappaye;
အပ္ပမေယ္ယံ ပမာယိနံ၊ နိဝုတံ တံ မညေ ပုထုဇ္ဇန’’န္တိ။
Appameyyaṃ pamāyinaṃ, nivutaṃ taṃ maññe puthujjana’’nti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ကောကာလိကသုတ္တဝဏ္ဏနာ • 7. Kokālikasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ကောကာလိကသုတ္တဝဏ္ဏနာ • 7. Kokālikasuttavaṇṇanā