| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၉. ကောဋ္ဌိကအနတ္တသုတ္တံ
9. Koṭṭhikaanattasuttaṃ
၁၆၄. ဧကမန္တံ။ပေ.။ ဝိဟရေယ္ယန္တိ။ ‘‘ယော ခော, ကောဋ္ဌိက, အနတ္တာ တတ္ရ တေ ဆန္ဒော ပဟာတဗ္ဗော။ ကော စ, ကောဋ္ဌိက, အနတ္တာ? စက္ခု ခော, ကောဋ္ဌိက, အနတ္တာ; တတ္ရ တေ ဆန္ဒော ပဟာတဗ္ဗော။ ရူပာ အနတ္တာ; တတ္ရ တေ ဆန္ဒော ပဟာတဗ္ဗော။ စက္ခုဝိညာဏံ အနတ္တာ; တတ္ရ တေ ဆန္ဒော ပဟာတဗ္ဗော။ စက္ခုသမ္ဖသ္သော အနတ္တာ; တတ္ရ တေ ဆန္ဒော ပဟာတဗ္ဗော။ ယမ္ပိဒံ စက္ခုသမ္ဖသ္သပစ္စယာ ဥပ္ပဇ္ဇတိ ဝေဒယိတံ သုခံ ဝာ ဒုက္ခံ ဝာ အဒုက္ခမသုခံ ဝာ တမ္ပိ အနတ္တာ; တတ္ရ တေ ဆန္ဒော ပဟာတဗ္ဗော ။ပေ.။ ဇိဝ္ဟာ အနတ္တာ; တတ္ရ တေ ဆန္ဒော ပဟာတဗ္ဗော။ပေ.။ မနော အနတ္တာ; တတ္ရ တေ ဆန္ဒော ပဟာတဗ္ဗော။ ဓမ္မာ အနတ္တာ; တတ္ရ တေ ဆန္ဒော ပဟာတဗ္ဗော။ မနောဝိညာဏံ။ မနောသမ္ဖသ္သော။ ယမ္ပိဒံ မနောသမ္ဖသ္သပစ္စယာ ဥပ္ပဇ္ဇတိ ဝေဒယိတံ သုခံ ဝာ ဒုက္ခံ ဝာ အဒုက္ခမသုခံ ဝာ တမ္ပိ အနတ္တာ; တတ္ရ တေ ဆန္ဒော ပဟာတဗ္ဗော။ ယော ခော, ကောဋ္ဌိက, အနတ္တာ, တတ္ရ တေ ဆန္ဒော ပဟာတဗ္ဗော’’တိ။ နဝမံ။
164. Ekamantaṃ…pe… vihareyyanti. ‘‘Yo kho, koṭṭhika, anattā tatra te chando pahātabbo. Ko ca, koṭṭhika, anattā? Cakkhu kho, koṭṭhika, anattā; tatra te chando pahātabbo. Rūpā anattā; tatra te chando pahātabbo. Cakkhuviññāṇaṃ anattā; tatra te chando pahātabbo. Cakkhusamphasso anattā; tatra te chando pahātabbo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattā; tatra te chando pahātabbo …pe… jivhā anattā; tatra te chando pahātabbo…pe… mano anattā; tatra te chando pahātabbo. Dhammā anattā; tatra te chando pahātabbo. Manoviññāṇaṃ… manosamphasso… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattā; tatra te chando pahātabbo. Yo kho, koṭṭhika, anattā, tatra te chando pahātabbo’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇-၉. ကောဋ္ဌိကအနိစ္စသုတ္တာဒိဝဏ္ဏနာ • 7-9. Koṭṭhikaaniccasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇-၉. ကောဋ္ဌိကအနိစ္စသုတ္တာဒိဝဏ္ဏနာ • 7-9. Koṭṭhikaaniccasuttādivaṇṇanā
