| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
3. කුහකසුත්‌තවණ්‌ණනා
3. Kuhakasuttavaṇṇanā
83. තතියෙ තීහි කුහනවත්‌ථූහීති සාමන්‌තජප්‌පනඉරියාපථසන්‌නිස්‌සිතපච්‌චයප්‌පටිසෙවනභෙදතො තිප්‌පභෙදෙහි කුහනවත්‌ථූහි. තිවිධෙන කුහනවත්‌ථුනා ලොකං කුහයති විම්‌හාපයති ‘‘අහො අච්‌ඡරියපුරිසො’’ති අත්‌තනි පරෙසං විම්‌හයං උප්‌පාදෙතීති කුහකො. ලාභසක්‌කාරත්‌ථිකො හුත්‌වා ලපති අත්‌තානං දායකං වා උක්‌ඛිපිත්‌වා යථා සො කිඤ්‌චි දදාති, එවං උක්‌කාචෙත්‌වා කථෙතීති ලපකො. නිමිත්‌තං සීලං තස්‌සාති නෙමිත්‌තිකො, නිමිත්‌තෙන වා චරති, නිමිත්‌තං වා කරොතීති නෙමිත්‌තිකො. නිමිත්‌තන්‌ති ච පරෙසං පච්‌චයදානසඤ්‌ඤුප්‌පාදකං කායවචීකම්‌මං වුච්‌චති . නිප්‌පෙසො සීලමස්‌සාති නිප්‌පෙසිකො. නිප්‌පිසතීති වා නිප්‌පෙසො, නිප්‌පෙසොයෙව නිප්‌පෙසිකො. නිප්‌පෙසොති ච සඨපුරිසො විය ලාභසක්‌කාරත්‌ථං අක්‌කොසනුප්‌පණ්‌ඩනපරපිට්‌ඨිමංසිකතාදි.
83. Tatiye tīhi kuhanavatthūhīti sāmantajappanairiyāpathasannissitapaccayappaṭisevanabhedato tippabhedehi kuhanavatthūhi. Tividhena kuhanavatthunā lokaṃ kuhayati vimhāpayati ‘‘aho acchariyapuriso’’ti attani paresaṃ vimhayaṃ uppādetīti kuhako. Lābhasakkāratthiko hutvā lapati attānaṃ dāyakaṃ vā ukkhipitvā yathā so kiñci dadāti, evaṃ ukkācetvā kathetīti lapako. Nimittaṃ sīlaṃ tassāti nemittiko, nimittena vā carati, nimittaṃ vā karotīti nemittiko. Nimittanti ca paresaṃ paccayadānasaññuppādakaṃ kāyavacīkammaṃ vuccati . Nippeso sīlamassāti nippesiko. Nippisatīti vā nippeso, nippesoyeva nippesiko. Nippesoti ca saṭhapuriso viya lābhasakkāratthaṃ akkosanuppaṇḍanaparapiṭṭhimaṃsikatādi.
කුහකසුත්‌තවණ්‌ණනා නිට්‌ඨිතා.
Kuhakasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 3. කුහකසුත්‌තං • 3. Kuhakasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 3. කුහකසුත්‌තවණ්‌ණනා • 3. Kuhakasuttavaṇṇanā
