| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၃. ကုလသုတ္တံ
3. Kulasuttaṃ
၁၃. ‘‘သတ္တဟိ , ဘိက္ခဝေ, အင္ဂေဟိ သမန္နာဂတံ ကုလံ အနုပဂန္တ္ဝာ ဝာ နာလံ ဥပဂန္တုံ, ဥပဂန္တ္ဝာ ဝာ နာလံ ဥပနိသီဒိတုံ။ ကတမေဟိ သတ္တဟိ? န မနာပေန ပစ္စုဋ္ဌေန္တိ, န မနာပေန အဘိဝာဒေန္တိ, န မနာပေန အာသနံ ဒေန္တိ, သန္တမသ္သ ပရိဂုဟန္တိ, ဗဟုကမ္ပိ ထောကံ ဒေန္တိ, ပဏီတမ္ပိ လူခံ ဒေန္တိ, အသက္ကစ္စံ ဒေန္တိ နော သက္ကစ္စံ။ ဣမေဟိ ခော, ဘိက္ခဝေ, သတ္တဟိ အင္ဂေဟိ သမန္နာဂတံ ကုလံ အနုပဂန္တ္ဝာ ဝာ နာလံ ဥပဂန္တုံ, ဥပဂန္တ္ဝာ ဝာ နာလံ ဥပနိသီဒိတုံ။
13. ‘‘Sattahi , bhikkhave, aṅgehi samannāgataṃ kulaṃ anupagantvā vā nālaṃ upagantuṃ, upagantvā vā nālaṃ upanisīdituṃ. Katamehi sattahi? Na manāpena paccuṭṭhenti, na manāpena abhivādenti, na manāpena āsanaṃ denti, santamassa pariguhanti, bahukampi thokaṃ denti, paṇītampi lūkhaṃ denti, asakkaccaṃ denti no sakkaccaṃ. Imehi kho, bhikkhave, sattahi aṅgehi samannāgataṃ kulaṃ anupagantvā vā nālaṃ upagantuṃ, upagantvā vā nālaṃ upanisīdituṃ.
‘‘သတ္တဟိ, ဘိက္ခဝေ, အင္ဂေဟိ သမန္နာဂတံ ကုလံ အနုပဂန္တ္ဝာ ဝာ အလံ ဥပဂန္တုံ, ဥပဂန္တ္ဝာ ဝာ အလံ ဥပနိသီဒိတုံ။ ကတမေဟိ သတ္တဟိ? မနာပေန ပစ္စုဋ္ဌေန္တိ, မနာပေန အဘိဝာဒေန္တိ, မနာပေန အာသနံ ဒေန္တိ, သန္တမသ္သ န ပရိဂုဟန္တိ, ဗဟုကမ္ပိ ဗဟုကံ ဒေန္တိ, ပဏီတမ္ပိ ပဏီတံ ဒေန္တိ, သက္ကစ္စံ ဒေန္တိ နော အသက္ကစ္စံ။ ဣမေဟိ ခော, ဘိက္ခဝေ, သတ္တဟိ အင္ဂေဟိ သမန္နာဂတံ ကုလံ အနုပဂန္တ္ဝာ ဝာ အလံ ဥပဂန္တုံ, ဥပဂန္တ္ဝာ ဝာ အလံ ဥပနိသီဒိတု’’န္တိ။ တတိယံ။
‘‘Sattahi, bhikkhave, aṅgehi samannāgataṃ kulaṃ anupagantvā vā alaṃ upagantuṃ, upagantvā vā alaṃ upanisīdituṃ. Katamehi sattahi? Manāpena paccuṭṭhenti, manāpena abhivādenti, manāpena āsanaṃ denti, santamassa na pariguhanti, bahukampi bahukaṃ denti, paṇītampi paṇītaṃ denti, sakkaccaṃ denti no asakkaccaṃ. Imehi kho, bhikkhave, sattahi aṅgehi samannāgataṃ kulaṃ anupagantvā vā alaṃ upagantuṃ, upagantvā vā alaṃ upanisīditu’’nti. Tatiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃. ကုလသုတ္တဝဏ္ဏနာ • 3. Kulasuttavaṇṇanā
