Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. ကုလာဝကသုတ္တံ
6. Kulāvakasuttaṃ
၂၅၂. သာဝတ္ထိယံ။ ‘‘ဘူတပုဗ္ဗံ, ဘိက္ခဝေ, ဒေဝာသုရသင္ဂာမော သမုပဗ္ယူဠ္ဟော အဟောသိ။ တသ္မိံ ခော ပန, ဘိက္ခဝေ, သင္ဂာမေ အသုရာ ဇိနိံသု , ဒေဝာ ပရာဇိနိံသု။ ပရာဇိတာ စ ခော, ဘိက္ခဝေ, ဒေဝာ အပာယံသ္ဝေဝ ဥတ္တရေနမုခာ, အဘိယံသ္ဝေဝ နေ အသုရာ။ အထ ခော, ဘိက္ခဝေ, သက္ကော ဒေဝာနမိန္ဒော မာတလိ သင္ဂာဟကံ ဂာထာယ အဇ္ဈဘာသိ –
252. Sāvatthiyaṃ. ‘‘Bhūtapubbaṃ, bhikkhave, devāsurasaṅgāmo samupabyūḷho ahosi. Tasmiṃ kho pana, bhikkhave, saṅgāme asurā jiniṃsu , devā parājiniṃsu. Parājitā ca kho, bhikkhave, devā apāyaṃsveva uttarenamukhā, abhiyaṃsveva ne asurā. Atha kho, bhikkhave, sakko devānamindo mātali saṅgāhakaṃ gāthāya ajjhabhāsi –
‘‘ကုလာဝကာ မာတလိ သိမ္ဗလိသ္မိံ၊
‘‘Kulāvakā mātali simbalismiṃ,
ဤသာမုခေန ပရိဝဇ္ဇယသ္သု။
Īsāmukhena parivajjayassu;
ကာမံ စဇာမ အသုရေသု ပာဏံ၊
Kāmaṃ cajāma asuresu pāṇaṃ,
‘‘‘ဧဝံ ဘဒ္ဒန္တဝာ’တိ ခော, ဘိက္ခဝေ, မာတလိ သင္ဂာဟကော သက္ကသ္သ ဒေဝာနမိန္ဒသ္သ ပဋိသ္သုတ္ဝာ သဟသ္သယုတ္တံ အာဇညရထံ ပစ္စုဒာဝတ္တေသိ။ အထ ခော, ဘိက္ခဝေ, အသုရာနံ ဧတဒဟောသိ – ‘ပစ္စုဒာဝတ္တော ခော ဒာနိ သက္ကသ္သ ဒေဝာနမိန္ဒသ္သ သဟသ္သယုတ္တော အာဇညရထော ။ ဒုတိယမ္ပိ ခော ဒေဝာ အသုရေဟိ သင္ဂာမေသ္သန္တီတိ ဘီတာ အသုရပုရမေဝ ပာဝိသိံသု။ ဣတိ ခော, ဘိက္ခဝေ, သက္ကသ္သ ဒေဝာနမိန္ဒသ္သ ဓမ္မေန ဇယော အဟောသီ’’’တိ။
‘‘‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṃ ājaññarathaṃ paccudāvattesi. Atha kho, bhikkhave, asurānaṃ etadahosi – ‘paccudāvatto kho dāni sakkassa devānamindassa sahassayutto ājaññaratho . Dutiyampi kho devā asurehi saṅgāmessantīti bhītā asurapurameva pāvisiṃsu. Iti kho, bhikkhave, sakkassa devānamindassa dhammena jayo ahosī’’’ti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. ကုလာဝကသုတ္တဝဏ္ဏနာ • 6. Kulāvakasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. ကုလာဝကသုတ္တဝဏ္ဏနာ • 6. Kulāvakasuttavaṇṇanā