| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
7. කුම්‌භවග්‌ගො
7. Kumbhavaggo
1. කුම්‌භඞ්‌ගපඤ්‌හො
1. Kumbhaṅgapañho
1. ‘‘භන්‌තෙ නාගසෙන, ‘කුම්‌භස්‌ස එකං අඞ්‌ගං ගහෙතබ්‌බ’න්‌ති යං වදෙසි, කතමං තං එකං අඞ්‌ගං ගහෙතබ්‌බ’’න්‌ති? ‘‘යථා, මහාරාජ, කුම්‌භො සම්‌පුණ්‌ණො න සණති, එවමෙව ඛො, මහාරාජ, යොගිනා යොගාවචරෙන ආගමෙ අධිගමෙ පරියත්‌තියං සාමඤ්‌ඤෙ පාරමිං පත්‌වා න සණිතබ්‌බං, න තෙන මානො කරණීයො, න දබ්‌බො 1 දස්‌සෙතබ්‌බො, නිහතමානෙන නිහතදබ්‌බෙන භවිතබ්‌බං, උජුකෙන අමුඛරෙන අවිකත්‌ථිනා. ඉදං, මහාරාජ, කුම්‌භස්‌ස එකං අඞ්‌ගං ගහෙතබ්‌බං. භාසිතම්‌පෙතං, මහාරාජ, භගවතා දෙවාතිදෙවෙන සුත්‌තනිපාතෙ –
1. ‘‘Bhante nāgasena, ‘kumbhassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, kumbho sampuṇṇo na saṇati, evameva kho, mahārāja, yoginā yogāvacarena āgame adhigame pariyattiyaṃ sāmaññe pāramiṃ patvā na saṇitabbaṃ, na tena māno karaṇīyo, na dabbo 2 dassetabbo, nihatamānena nihatadabbena bhavitabbaṃ, ujukena amukharena avikatthinā. Idaṃ, mahārāja, kumbhassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte –
‘‘‘යදූනකං තං සණති, යං පූරං සන්‌තමෙව තං;
‘‘‘Yadūnakaṃ taṃ saṇati, yaṃ pūraṃ santameva taṃ;
අඩ්‌ඪකුම්‌භූපමො 3 බාලො, රහදො පූරොව පණ්‌ඩිතො’’’ති.
Aḍḍhakumbhūpamo 4 bālo, rahado pūrova paṇḍito’’’ti.
කුම්‌භඞ්‌ගපඤ්‌හො පඨමො.
Kumbhaṅgapañho paṭhamo.
Footnotes:
