| Library / Tipiṭaka / තිපිටක • Tipiṭaka / චරියාපිටකපාළි • Cariyāpiṭakapāḷi |
3. කුරුරාජචරියා
3. Kururājacariyā
20.
20.
රාජා ධනඤ්‌චයො නාම, කුසලෙ දසහුපාගතො.
Rājā dhanañcayo nāma, kusale dasahupāgato.
21.
21.
‘‘කලිඞ්‌ගරට්‌ඨවිසයා, බ්‍රාහ්‌මණා උපගඤ්‌ඡු මං;
‘‘Kaliṅgaraṭṭhavisayā, brāhmaṇā upagañchu maṃ;
ආයාචුං මං හත්‌ථිනාගං, ධඤ්‌ඤං මඞ්‌ගලසම්‌මතං.
Āyācuṃ maṃ hatthināgaṃ, dhaññaṃ maṅgalasammataṃ.
22.
22.
‘‘‘අවුට්‌ඨිකො ජනපදො, දුබ්‌භික්‌ඛො ඡාතකො මහා;
‘‘‘Avuṭṭhiko janapado, dubbhikkho chātako mahā;
දදාහි පවරං නාගං, නීලං අඤ්‌ජනසව්‌හයං.
Dadāhi pavaraṃ nāgaṃ, nīlaṃ añjanasavhayaṃ.
23.
23.
‘‘‘න මෙ යාචකමනුප්‌පත්‌තෙ, පටික්‌ඛෙපො අනුච්‌ඡවො;
‘‘‘Na me yācakamanuppatte, paṭikkhepo anucchavo;
මා මෙ භිජ්‌ජි සමාදානං, දස්‌සාමි විපුලං ගජං’.
Mā me bhijji samādānaṃ, dassāmi vipulaṃ gajaṃ’.
24.
24.
ජලං හත්‌ථෙ ආකිරිත්‌වා, බ්‍රාහ්‌මණානං අදං ගජං.
Jalaṃ hatthe ākiritvā, brāhmaṇānaṃ adaṃ gajaṃ.
25.
25.
‘‘තස්‌ස නාගෙ පදින්‌නම්‌හි, අමච්‌චා එතදබ්‍රවුං;
‘‘Tassa nāge padinnamhi, amaccā etadabravuṃ;
‘කිං නු තුය්‌හං වරං නාගං, යාචකානං පදස්‌සසි.
‘Kiṃ nu tuyhaṃ varaṃ nāgaṃ, yācakānaṃ padassasi.
26.
26.
‘‘‘ධඤ්‌ඤං මඞ්‌ගලසම්‌පන්‌නං, සඞ්‌ගාමවිජයුත්‌තමං;
‘‘‘Dhaññaṃ maṅgalasampannaṃ, saṅgāmavijayuttamaṃ;
තස්‌මිං නාගෙ පදින්‌නම්‌හි, කිං තෙ රජ්‌ජං කරිස්‌සති.
Tasmiṃ nāge padinnamhi, kiṃ te rajjaṃ karissati.
27.
27.
‘‘‘රජ්‌ජම්‌පි මෙ දදෙ සබ්‌බං, සරීරං දජ්‌ජමත්‌තනො;
‘‘‘Rajjampi me dade sabbaṃ, sarīraṃ dajjamattano;
සබ්‌බඤ්‌ඤුතං පියං මය්‌හං, තස්‌මා නාගං අදාසහ’’’න්‌ති.
Sabbaññutaṃ piyaṃ mayhaṃ, tasmā nāgaṃ adāsaha’’’nti.
කුරුරාජචරියං තතියං.
Kururājacariyaṃ tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / චරියාපිටක-අට්‌ඨකථා • Cariyāpiṭaka-aṭṭhakathā / 3. කුරුරාජචරියාවණ්‌ණනා • 3. Kururājacariyāvaṇṇanā
