| Library / Tipiṭaka / තිපිටක • Tipiṭaka / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā |
කුසලකම්‌මපථකථාවණ්‌ණනා
Kusalakammapathakathāvaṇṇanā
පාණාතිපාතාදීහි පන විරතියොති එතං යාහි විරතීහි සම්‌පයුත්‌තා චෙතනා ‘‘කායවචීකම්‌මානී’’ති වුච්‌චන්‌ති, තාසඤ්‌ච කම්‌මපථභාවො යුත්‌තොති කත්‌වා වුත්‌තං. තථා හි වක්‌ඛති ‘‘පටිපාටියා සත්‌ත චෙතනාපි වට්‌ටන්‌ති විරතියොපී’’ති. අල්‌ලසසමංසන්‌ති ජීවමානකසසමංසං. වොරොපෙතා හුත්‌වා නාභිජානාමි. දුස්‌සීල්‍යාදාරම්‌මණා තදාරම්‌මණා. ජීවිතින්‌ද්‍රියාදිආරම්‌මණා කථං දුස්‌සීල්‍යාදීනි පජහන්‌තීති තං දස්‌සෙතුං ‘‘යථා පනා’’තිආදි වුත්‌තං. අනභිජ්‌ඣා…පෙ.… විරමන්‌තස්‌සාති අභිජ්‌ඣං පජහන්‌තස්‌සාති අත්‌ථො. න හි මනොදුච්‌චරිතා විරති අත්‌ථි අනභිජ්‌ඣාදීහෙව තප්‌පහානතො.
Pāṇātipātādīhi pana viratiyoti etaṃ yāhi viratīhi sampayuttā cetanā ‘‘kāyavacīkammānī’’ti vuccanti, tāsañca kammapathabhāvo yuttoti katvā vuttaṃ. Tathā hi vakkhati ‘‘paṭipāṭiyā satta cetanāpi vaṭṭanti viratiyopī’’ti. Allasasamaṃsanti jīvamānakasasamaṃsaṃ. Voropetā hutvā nābhijānāmi. Dussīlyādārammaṇā tadārammaṇā. Jīvitindriyādiārammaṇā kathaṃ dussīlyādīni pajahantīti taṃ dassetuṃ ‘‘yathā panā’’tiādi vuttaṃ. Anabhijjhā…pe… viramantassāti abhijjhaṃ pajahantassāti attho. Na hi manoduccaritā virati atthi anabhijjhādīheva tappahānato.
Related texts:
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-අනුටීකා • Dhammasaṅgaṇī-anuṭīkā / කුසලකම්‌මපථකථාවණ්‌ණනා • Kusalakammapathakathāvaṇṇanā
