| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
(၁၃) ၃. ကုသိနာရဝဂ္ဂော
(13) 3. Kusināravaggo
၁-၂. ကုသိနာရသုတ္တာဒိဝဏ္ဏနာ
1-2. Kusinārasuttādivaṇṇanā
၁၂၄-၁၂၅. တတိယသ္သ ပဌမေ တဏ္ဟာဂေဓေန ဂထိတောတိ တဏ္ဟာဗန္ဓနေန ဗဒ္ဓော။ တဏ္ဟာမုစ္ဆနာယာတိ တဏ္ဟာယ ဝသေန မုစ္ဆာပတ္တိယာ။ မုစ္ဆိတောတိ မုစ္ဆံ မောဟံ ပမာဒံ အာပန္နော။ အဇ္ဈောပန္နောတိ အဓိဩပန္နော။ တဏ္ဟာယ အဓိဘဝိတ္ဝာ အဇ္ဈောတ္ထဋော ဂိလိတ္ဝာ ပရိနိဋ္ဌပေတ္ဝာ ဝိယ ဌိတော။ တေနာဟ ‘‘အဇ္ဈောပန္နောတိ တဏ္ဟာယ ဂိလိတ္ဝာ ပရိနိဋ္ဌပေတ္ဝာ ပဝတ္တော’’တိ။ အနာဒီနဝဒသ္သာဝီတိ ဂထိတာဒိဘာဝေန ပရိဘောဂေ အာဒီနဝမတ္တမ္ပိ န ပသ္သတိ။ နိသ္သရဏပညောတိ အယမတ္ထော အာဟာရပရိဘောဂေတိ တတ္ထ ပယောဇနပရိစ္ဆေဒိကာ ‘‘ယာဝဒေဝ ဣမသ္သ ကာယသ္သ ဌိတိယာ’’တိအာဒိနာ (မ. နိ. ၁.၂၃; ၂.၂၄; ၃.၇၅; သံ. နိ. ၄.၁၂၀; အ. နိ. ၆.၅၈; ၈.၉) ပဝတ္တာ အာဟာရပဋိဗဒ္ဓဆန္ဒရာဂနိသ္သရဏဘူတာ ပညာ အသ္သ အတ္ထီတိ နိသ္သရဏပညော။ သေသမေတ္ထ ဥတ္တာနမေဝ။ ဒုတိယေ နတ္ထိ ဝတ္တဗ္ဗံ။
124-125. Tatiyassa paṭhame taṇhāgedhena gathitoti taṇhābandhanena baddho. Taṇhāmucchanāyāti taṇhāya vasena mucchāpattiyā. Mucchitoti mucchaṃ mohaṃ pamādaṃ āpanno. Ajjhopannoti adhiopanno. Taṇhāya adhibhavitvā ajjhotthaṭo gilitvā pariniṭṭhapetvā viya ṭhito. Tenāha ‘‘ajjhopannoti taṇhāya gilitvā pariniṭṭhapetvā pavatto’’ti. Anādīnavadassāvīti gathitādibhāvena paribhoge ādīnavamattampi na passati. Nissaraṇapaññoti ayamattho āhāraparibhogeti tattha payojanaparicchedikā ‘‘yāvadeva imassa kāyassa ṭhitiyā’’tiādinā (ma. ni. 1.23; 2.24; 3.75; saṃ. ni. 4.120; a. ni. 6.58; 8.9) pavattā āhārapaṭibaddhachandarāganissaraṇabhūtā paññā assa atthīti nissaraṇapañño. Sesamettha uttānameva. Dutiye natthi vattabbaṃ.
ကုသိနာရသုတ္တာဒိဝဏ္ဏနာ နိဋ္ဌိတာ။
Kusinārasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၁. ကုသိနာရသုတ္တံ • 1. Kusinārasuttaṃ
၂. ဘဏ္ဍနသုတ္တံ • 2. Bhaṇḍanasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၁. ကုသိနာရသုတ္တဝဏ္ဏနာ • 1. Kusinārasuttavaṇṇanā
၂. ဘဏ္ဍနသုတ္တဝဏ္ဏနာ • 2. Bhaṇḍanasuttavaṇṇanā
