| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၂. ကုသီတမူလကသုတ္တံ
12. Kusītamūlakasuttaṃ
၁၀၆. သာဝတ္ထိယံ ဝိဟရတိ။ပေ.။ ‘‘ဓာတုသောဝ, ဘိက္ခဝေ, သတ္တာ သံသန္ဒန္တိ သမေန္တိ။ ကုသီတာ ကုသီတေဟိ သဒ္ဓိံ သံသန္ဒန္တိ သမေန္တိ; မုဋ္ဌသ္သတိနော မုဋ္ဌသ္သတီဟိ သဒ္ဓိံ သံသန္ဒန္တိ သမေန္တိ; ဒုပ္ပညာ ဒုပ္ပညေဟိ သဒ္ဓိံ သံသန္ဒန္တိ သမေန္တိ; အာရဒ္ဓဝီရိယာ အာရဒ္ဓဝီရိယေဟိ သဒ္ဓိံ သံသန္ဒန္တိ သမေန္တိ; ဥပဋ္ဌိတသ္သတိနော ဥပဋ္ဌိတသ္သတီဟိ သဒ္ဓိံ သံသန္ဒန္တိ သမေန္တိ; ပညဝန္တော ပညဝန္တေဟိ သဒ္ဓိံ သံသန္ဒန္တိ သမေန္တီတိ။ပေ.။။ ဒ္ဝာဒသမံ။
106. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Kusītā kusītehi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dvādasamaṃ.
ဒုတိယော ဝဂ္ဂော။
Dutiyo vaggo.
တသ္သုဒ္ဒာနံ –
Tassuddānaṃ –
သတ္တိမာ သနိဒာနဉ္စ၊ ဂိဉ္ဇကာဝသထေန စ။
Sattimā sanidānañca, giñjakāvasathena ca;
ဟီနာဓိမုတ္တိ စင္ကမံ၊ သဂာထာ အသ္သဒ္ဓသတ္တမံ။
Hīnādhimutti caṅkamaṃ, sagāthā assaddhasattamaṃ.
အသ္သဒ္ဓမူလကာ ပဉ္စ၊ စတ္တာရော အဟိရိကမူလကာ။
Assaddhamūlakā pañca, cattāro ahirikamūlakā;
အနောတ္တပ္ပမူလကာ တီဏိ၊ ဒုဝေ အပ္ပသ္သုတေန စ။
Anottappamūlakā tīṇi, duve appassutena ca.
ကုသီတံ ဧကကံ ဝုတ္တံ၊ သုတ္တန္တာ တီဏိ ပဉ္စကာ။
Kusītaṃ ekakaṃ vuttaṃ, suttantā tīṇi pañcakā;
ဗာဝီသတိ ဝုတ္တာ သုတ္တာ၊ ဒုတိယော ဝဂ္ဂော ပဝုစ္စတီတိ။
Bāvīsati vuttā suttā, dutiyo vaggo pavuccatīti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈-၁၂. အသ္သဒ္ဓမူလကသုတ္တာဒိဝဏ္ဏနာ • 8-12. Assaddhamūlakasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၈-၁၂. အသ္သဒ္ဓမူလကသုတ္တာဒိဝဏ္ဏနာ • 8-12. Assaddhamūlakasuttādivaṇṇanā
