| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. ကူဋာဂာရသုတ္တံ
7. Kūṭāgārasuttaṃ
၁၈၈. ‘‘သေယ္ယထာပိ , ဘိက္ခဝေ, ကူဋာဂာရသ္သ ယာ ကာစိ ဂောပာနသိယော, သဗ္ဗာ တာ ကူဋနိန္နာ ကူဋပောဏာ ကူဋပဗ္ဘာရာ; ဧဝမေဝ ခော, ဘိက္ခဝေ, ဘိက္ခု သတ္တ ဗောဇ္ဈင္ဂေ ဘာဝေန္တော သတ္တ ဗောဇ္ဈင္ဂေ ဗဟုလီကရောန္တော နိဗ္ဗာနနိန္နော ဟောတိ နိဗ္ဗာနပောဏော နိဗ္ဗာနပဗ္ဘာရော။
188. ‘‘Seyyathāpi , bhikkhave, kūṭāgārassa yā kāci gopānasiyo, sabbā tā kūṭaninnā kūṭapoṇā kūṭapabbhārā; evameva kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro.
‘‘ကထဉ္စ , ဘိက္ခဝေ, ဘိက္ခု သတ္တ ဗောဇ္ဈင္ဂေ ဘာဝေန္တော သတ္တ ဗောဇ္ဈင္ဂေ ဗဟုလီကရောန္တော နိဗ္ဗာနနိန္နော ဟောတိ နိဗ္ဗာနပောဏော နိဗ္ဗာနပဗ္ဘာရော ? ဣဓ, ဘိက္ခဝေ, ဘိက္ခု သတိသမ္ဗောဇ္ဈင္ဂံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ။ပေ.။ ဥပေက္ခာသမ္ဗောဇ္ဈင္ဂံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ။ ဧဝံ ခော, ဘိက္ခဝေ, ဘိက္ခု သတ္တ ဗောဇ္ဈင္ဂေ ဘာဝေန္တော သတ္တ ဗောဇ္ဈင္ဂေ ဗဟုလီကရောန္တော နိဗ္ဗာနနိန္နော ဟောတိ နိဗ္ဗာနပောဏော နိဗ္ဗာနပဗ္ဘာရော’’တိ။ သတ္တမံ။
‘‘Kathañca , bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro ? Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro’’ti. Sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆-၇. ကုဏ္ဍလိယသုတ္တာဒိဝဏ္ဏနာ • 6-7. Kuṇḍaliyasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆-၇. ကုဏ္ဍလိယသုတ္တာဒိဝဏ္ဏနာ • 6-7. Kuṇḍaliyasuttādivaṇṇanā
