| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
6. මල්‌ලිකාසුත්‌තවණ්‌ණනා
6. Mallikāsuttavaṇṇanā
127. ඡට්‌ඨෙ උපසඞ්‌කමීති මල්‌ලිකාය දෙවියා ගබ්‌භවුට්‌ඨානකාලෙ සූතිඝරං පටිජග්‌ගාපෙත්‌වා ආරක්‌ඛං දත්‌වා උපසඞ්‌කමි. අනත්‌තමනො අහොසීති, ‘‘දුග්‌ගතකුලස්‌ස මෙ ධීතු මහන්‌තං ඉස්‌සරියං දින්‌නං, සචෙ පුත්‌තං අලභිස්‌ස, මහන්‌තං සක්‌කාරං අධිගමිස්‌ස, තතො දානි පරිහීනා’’ති අනත්‌තමනො අහොසි. සෙය්‍යාති දන්‌ධපඤ්‌ඤස්‌මා එලමූගපුත්‌තතො එකච්‌චා ඉත්‌ථීයෙව සෙය්‍යා. පොසාති පොසෙහි. ජනාධිපාති ජනාධිභුං රාජානං ආලපති. සස්‌සුදෙවාති සස්‌සුසසුරදෙවතා. දිසම්‌පතීති දිසාජෙට්‌ඨකා. තාදිසා සුභගියාති තාදිසාය සුභරියාය. ඡට්‌ඨං.
127. Chaṭṭhe upasaṅkamīti mallikāya deviyā gabbhavuṭṭhānakāle sūtigharaṃ paṭijaggāpetvā ārakkhaṃ datvā upasaṅkami. Anattamano ahosīti, ‘‘duggatakulassa me dhītu mahantaṃ issariyaṃ dinnaṃ, sace puttaṃ alabhissa, mahantaṃ sakkāraṃ adhigamissa, tato dāni parihīnā’’ti anattamano ahosi. Seyyāti dandhapaññasmā elamūgaputtato ekaccā itthīyeva seyyā. Posāti posehi. Janādhipāti janādhibhuṃ rājānaṃ ālapati. Sassudevāti sassusasuradevatā. Disampatīti disājeṭṭhakā. Tādisā subhagiyāti tādisāya subhariyāya. Chaṭṭhaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. මල්‌ලිකාසුත්‌තං • 6. Mallikāsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. මල්‌ලිකාසුත්‌තවණ්‌ණනා • 6. Mallikāsuttavaṇṇanā
