Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
10. මාරධෙය්යසුත්තං
10. Māradheyyasuttaṃ
59. වුත්තඤ්හෙතං භගවතා, වුත්තමරහතාති මෙ සුතං –
59. Vuttañhetaṃ bhagavatā, vuttamarahatāti me sutaṃ –
‘‘තීහි, භික්ඛවෙ, ධම්මෙහි සමන්නාගතො භික්ඛු අතික්කම්ම මාරධෙය්යං ආදිච්චොව විරොචති. කතමෙහි තීහි? ඉධ, භික්ඛවෙ, භික්ඛු අසෙඛෙන සීලක්ඛන්ධෙන සමන්නාගතො හොති, අසෙඛෙන සමාධික්ඛන්ධෙන සමන්නාගතො හොති, අසෙඛෙන පඤ්ඤාක්ඛන්ධෙන සමන්නාගතො හොති – ඉමෙහි ඛො, භික්ඛවෙ, තීහි ධම්මෙහි සමන්නාගතො භික්ඛු අතික්කම්ම මාරධෙය්යං ආදිච්චොව විරොචතී’’ති. එතමත්ථං භගවා අවොච. තත්ථෙතං ඉති වුච්චති –
‘‘Tīhi, bhikkhave, dhammehi samannāgato bhikkhu atikkamma māradheyyaṃ ādiccova virocati. Katamehi tīhi? Idha, bhikkhave, bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti – imehi kho, bhikkhave, tīhi dhammehi samannāgato bhikkhu atikkamma māradheyyaṃ ādiccova virocatī’’ti. Etamatthaṃ bhagavā avoca. Tatthetaṃ iti vuccati –
‘‘සීලං සමාධි පඤ්ඤා ච, යස්ස එතෙ සුභාවිතා;
‘‘Sīlaṃ samādhi paññā ca, yassa ete subhāvitā;
අතික්කම්ම මාරධෙය්යං, ආදිච්චොව විරොචතී’’ති.
Atikkamma māradheyyaṃ, ādiccova virocatī’’ti.
අයම්පි අත්ථො වුත්තො භගවතා, ඉති මෙ සුතන්ති. දසමං.
Ayampi attho vutto bhagavatā, iti me sutanti. Dasamaṃ.
පඨමො වග්ගො නිට්ඨිතො.
Paṭhamo vaggo niṭṭhito.
තස්සුද්දානං –
Tassuddānaṃ –
මූලධාතු අථ වෙදනා දුවෙ, එසනා ච දුවෙ ආසවා දුවෙ;
Mūladhātu atha vedanā duve, esanā ca duve āsavā duve;
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 10. මාරධෙය්යසුත්තවණ්ණනා • 10. Māradheyyasuttavaṇṇanā