| Library / Tipiṭaka / තිපිටක • Tipiṭaka / පටිසම්‌භිදාමග්‌ගපාළි • Paṭisambhidāmaggapāḷi |
3. මිච්‌ඡාදිට්‌ඨිනිද්‌දෙසො
3. Micchādiṭṭhiniddeso
136. මිච්‌ඡාදිට්‌ඨියා කතමෙහි දසහාකාරෙහි අභිනිවෙසො හොති? ‘‘නත්‌ථි දින්‌න’’න්‌ති – වත්‌ථු 1. එවංවාදො මිච්‌ඡාභිනිවෙසපරාමාසො 2 දිට්‌ඨි. දිට්‌ඨි න වත්‌ථු, වත්‌ථු න දිට්‌ඨි. අඤ්‌ඤා දිට්‌ඨි, අඤ්‌ඤං වත්‌ථු. යා ච දිට්‌ඨි යඤ්‌ච වත්‌ථු – අයං පඨමා මිච්‌ඡාවත්‌ථුකා මිච්‌ඡාදිට්‌ඨි. මිච්‌ඡාදිට්‌ඨි දිට්‌ඨිවිපත්‌ති…පෙ.… ඉමානි සඤ්‌ඤොජනානි, න ච දිට්‌ඨියො. ‘‘නත්‌ථි යිට්‌ඨ’’න්‌ති – වත්‌ථු…පෙ.… ‘‘නත්‌ථි හුත’’න්‌ති – වත්‌ථු… ‘‘නත්‌ථි සුකතදුක්‌කටානං කම්‌මානං ඵලං විපාකො’’ති – වත්‌ථු… ‘‘නත්‌ථි අයං ලොකො’’ති – වත්‌ථු… ‘‘නත්‌ථි පරො ලොකො’’ති – වත්‌ථු… ‘‘නත්‌ථි මාතා’’ති – වත්‌ථු… ‘‘නත්‌ථි පිතා’’ති – වත්‌ථු… ‘‘නත්‌ථි සත්‌තා ඔපපාතිකා’’ති – වත්‌ථු… ‘‘නත්‌ථි ලොකෙ සමණබ්‍රාහ්‌මණා සම්‌මග්‌ගතා 3 සම්‌මාපටිපන්‌නා, යෙ ඉමඤ්‌ච ලොකං, පරඤ්‌ච ලොකං සයං අභිඤ්‌ඤා සච්‌ඡිකත්‌වා පවෙදෙන්‌තී’’ති – වත්‌ථු. එවංවාදො මිච්‌ඡාභිනිවෙසපරාමාසො දිට්‌ඨි. දිට්‌ඨි න වත්‌ථු, වත්‌ථු න දිට්‌ඨි. අඤ්‌ඤා දිට්‌ඨි, අඤ්‌ඤං වත්‌ථු. යා ච දිට්‌ඨි යඤ්‌ච වත්‌ථු – අයං දසමා මිච්‌ඡාවත්‌ථුකා මිච්‌ඡාදිට්‌ඨි. මිච්‌ඡාදිට්‌ඨි දිට්‌ඨිවිපත්‌ති…පෙ.… මිච්‌ඡාදිට්‌ඨිකස්‌ස පුරිසපුග්‌ගලස්‌ස ද්‌වෙව ගතියො…පෙ.… ඉමානි සඤ්‌ඤොජනානි, න ච දිට්‌ඨියො. මිච්‌ඡාදිට්‌ඨියා ඉමෙහි දසහාකාරෙහි අභිනිවෙසො හොති.
136. Micchādiṭṭhiyā katamehi dasahākārehi abhiniveso hoti? ‘‘Natthi dinna’’nti – vatthu 4. Evaṃvādo micchābhinivesaparāmāso 5 diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā micchāvatthukā micchādiṭṭhi. Micchādiṭṭhi diṭṭhivipatti…pe… imāni saññojanāni, na ca diṭṭhiyo. ‘‘Natthi yiṭṭha’’nti – vatthu…pe… ‘‘natthi huta’’nti – vatthu… ‘‘natthi sukatadukkaṭānaṃ kammānaṃ phalaṃ vipāko’’ti – vatthu… ‘‘natthi ayaṃ loko’’ti – vatthu… ‘‘natthi paro loko’’ti – vatthu… ‘‘natthi mātā’’ti – vatthu… ‘‘natthi pitā’’ti – vatthu… ‘‘natthi sattā opapātikā’’ti – vatthu… ‘‘natthi loke samaṇabrāhmaṇā sammaggatā 6 sammāpaṭipannā, ye imañca lokaṃ, parañca lokaṃ sayaṃ abhiññā sacchikatvā pavedentī’’ti – vatthu. Evaṃvādo micchābhinivesaparāmāso diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ dasamā micchāvatthukā micchādiṭṭhi. Micchādiṭṭhi diṭṭhivipatti…pe… micchādiṭṭhikassa purisapuggalassa dveva gatiyo…pe… imāni saññojanāni, na ca diṭṭhiyo. Micchādiṭṭhiyā imehi dasahākārehi abhiniveso hoti.
මිච්‌ඡාදිට්‌ඨිනිද්‌දෙසො තතියො.
Micchādiṭṭhiniddeso tatiyo.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / පටිසම්‌භිදාමග්‌ග-අට්‌ඨකථා • Paṭisambhidāmagga-aṭṭhakathā / 3. මිච්‌ඡාදිට්‌ඨිනිද්‌දෙසවණ්‌ණනා • 3. Micchādiṭṭhiniddesavaṇṇanā
