Library / Tipiṭaka / တိပိဋက • Tipiṭaka / ဇာတကပာဠိ • Jātakapāḷi |
၃၈၅. နန္ဒိယမိဂရာဇဇာတကံ (၆-၁-၁၀)
385. Nandiyamigarājajātakaṃ (6-1-10)
၇၀.
70.
ဝဇ္ဇာသိ နန္ဒိယံ နာမ၊ ပုတ္တံ အသ္မာကမောရသံ။
Vajjāsi nandiyaṃ nāma, puttaṃ asmākamorasaṃ;
မာတာ ပိတာ စ တေ ဝုဒ္ဓာ၊ တေ တံ ဣစ္ဆန္တိ ပသ္သိတုံ။
Mātā pitā ca te vuddhā, te taṃ icchanti passituṃ.
၇၁.
71.
ဘုတ္တာ မယာ နိဝာပာနိ၊ ရာဇိနော ပာနဘောဇနံ။
Bhuttā mayā nivāpāni, rājino pānabhojanaṃ;
တံ ရာဇပိဏ္ဍံ အဝဘောတ္တုံ 5၊ နာဟံ ဗ္ရာဟ္မဏ မုသ္သဟေ။
Taṃ rājapiṇḍaṃ avabhottuṃ 6, nāhaṃ brāhmaṇa mussahe.
၇၂.
72.
တဒာဟံ သုခိတော မုတ္တော၊ အပိ ပသ္သေယ္ယ မာတရံ။
Tadāhaṃ sukhito mutto, api passeyya mātaraṃ.
၇၃.
73.
နန္ဒိယော နာမ နာမေန၊ အဘိရူပော စတုပ္ပဒော။
Nandiyo nāma nāmena, abhirūpo catuppado.
၇၄.
74.
တံ မံ ဝဓိတုမာဂစ္ဆိ၊ ဒာယသ္မိံ အဇ္ဇုနေ ဝနေ။
Taṃ maṃ vadhitumāgacchi, dāyasmiṃ ajjune vane;
၇၅.
75.
တသ္သာဟံ ဩဒဟိံ ပသ္သံ၊ ခုရပ္ပာနိသ္သ ရာဇိနော။
Tassāhaṃ odahiṃ passaṃ, khurappānissa rājino;
တဒာဟံ သုခိတော မုတ္တော၊ မာတရံ ဒဋ္ဌုမာဂတောတိ။
Tadāhaṃ sukhito mutto, mātaraṃ daṭṭhumāgatoti.
နန္ဒိယမိဂရာဇဇာတကံ ဒသမံ။
Nandiyamigarājajātakaṃ dasamaṃ.
အဝာရိယဝဂ္ဂော ပဌမော။
Avāriyavaggo paṭhamo.
တသ္သုဒ္ဒာနံ –
Tassuddānaṃ –
အထ ကုဇ္ဈရထေသဘ ကေတုဝရော၊ သဒရီမုခ နေရု လတာ စ ပုန။
Atha kujjharathesabha ketuvaro, sadarīmukha neru latā ca puna;
အပနန္ဒ သိရီ စ သုစိတ္တဝရော၊ အထ ဓမ္မိက နန္ဒိမိဂေန ဒသာတိ။
Apananda sirī ca sucittavaro, atha dhammika nandimigena dasāti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဇာတက-အဋ္ဌကထာ • Jātaka-aṭṭhakathā / [၃၈၅] ၁၀. နန္ဒိယမိဂရာဇဇာတကဝဏ္ဏနာ • [385] 10. Nandiyamigarājajātakavaṇṇanā