Library / Tipiṭaka / තිපිටක • Tipiṭaka / ථෙරීගාථා-අට්ඨකථා • Therīgāthā-aṭṭhakathā |
නිගමනගාථා
Nigamanagāthā
එත්තාවතා ච –
Ettāvatā ca –
‘‘යෙ තෙ සම්පන්නසද්ධම්මා, ධම්මරාජස්ස සත්ථුනො;
‘‘Ye te sampannasaddhammā, dhammarājassa satthuno;
ඔරසා මුඛජා පුත්තා, දායාදා ධම්මනිම්මිතා.
Orasā mukhajā puttā, dāyādā dhammanimmitā.
‘‘සීලාදිගුණසම්පන්නා, කතකිච්චා අනාසවා;
‘‘Sīlādiguṇasampannā, katakiccā anāsavā;
සුභූතිආදයො ථෙරා, ථෙරියො ථෙරිකාදයො.
Subhūtiādayo therā, theriyo therikādayo.
‘‘තෙහි යා භාසිතා ගාථා, අඤ්ඤබ්යාකරණාදිනා;
‘‘Tehi yā bhāsitā gāthā, aññabyākaraṇādinā;
තා සබ්බා එකතො කත්වා, ථෙරගාථාති සඞ්ගහං.
Tā sabbā ekato katvā, theragāthāti saṅgahaṃ.
‘‘ආරොපෙසුං මහාථෙරා, ථෙරීගාථාති තාදිනො;
‘‘Āropesuṃ mahātherā, therīgāthāti tādino;
තාසං අත්ථං පකාසෙතුං, පොරාණට්ඨකථානයං.
Tāsaṃ atthaṃ pakāsetuṃ, porāṇaṭṭhakathānayaṃ.
‘‘නිස්සාය යා සමාරද්ධා, අත්ථසංවණ්ණනා මයා;
‘‘Nissāya yā samāraddhā, atthasaṃvaṇṇanā mayā;
සා තත්ථ පරමත්ථානං, තත්ථ තත්ථ යථාරහං.
Sā tattha paramatthānaṃ, tattha tattha yathārahaṃ.
‘‘පකාසනා පරමත්ථදීපනී, නාම නාමතො;
‘‘Pakāsanā paramatthadīpanī, nāma nāmato;
සම්පත්තා පරිනිට්ඨානං, අනාකුලවිනිච්ඡයා;
Sampattā pariniṭṭhānaṃ, anākulavinicchayā;
ද්වානවුතිපරිමාණා, පාළියා භාණවාරතො.
Dvānavutiparimāṇā, pāḷiyā bhāṇavārato.
‘‘ඉති තං සඞ්ඛරොන්තෙන, යං තං අධිගතං මයා;
‘‘Iti taṃ saṅkharontena, yaṃ taṃ adhigataṃ mayā;
පුඤ්ඤං තස්සානුභාවෙන, ලොකනාථස්ස සාසනං.
Puññaṃ tassānubhāvena, lokanāthassa sāsanaṃ.
‘‘ඔගාහෙත්වා විසුද්ධාය, සීලාදිපටිපත්තියා;
‘‘Ogāhetvā visuddhāya, sīlādipaṭipattiyā;
සබ්බෙපි දෙහිනො හොන්තු, විමුත්තිරසභාගිනො.
Sabbepi dehino hontu, vimuttirasabhāgino.
‘‘චිරං තිට්ඨතු ලොකස්මිං, සම්මාසම්බුද්ධසාසනං;
‘‘Ciraṃ tiṭṭhatu lokasmiṃ, sammāsambuddhasāsanaṃ;
තස්මිං සගාරවා නිච්චං, හොන්තු සබ්බෙපි පාණිනො.
Tasmiṃ sagāravā niccaṃ, hontu sabbepi pāṇino.
‘‘සම්මා වස්සතු කාලෙන, දෙවොපි ජගතීපති;
‘‘Sammā vassatu kālena, devopi jagatīpati;
සද්ධම්මනිරතො ලොකං, ධම්මෙනෙව පසාසතූ’’ති.
Saddhammanirato lokaṃ, dhammeneva pasāsatū’’ti.
බදරතිත්ථවිහාරවාසිනා ආචරියධම්මපාලත්ථෙරෙන
Badaratitthavihāravāsinā ācariyadhammapālattherena
කතා
Katā
ථෙරීගාථානං අත්ථසංවණ්ණනා නිට්ඨිතා.
Therīgāthānaṃ atthasaṃvaṇṇanā niṭṭhitā.
ථෙරීගාථා-අට්ඨකථා නිට්ඨිතා.
Therīgāthā-aṭṭhakathā niṭṭhitā.