| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
නිගමනකථා
Nigamanakathā
සීහළදීපකෙ අප්‌පිච්‌ඡතාදිගුණවන්‌තානං ථෙරවංසප්‌පදීපානං ආනන්‌දත්‌ථෙරාදීනං සබ්‌බසත්‌තානං තණ්‌හාමානදිට්‌ඨාදයො ඡෙදනනිග්‌ගහවිවෙචනාද්‍යත්‌ථං සත්‌තහි මාසෙහි අතිවිය ආරාධනෙන ලද්‌ධකොසල්‌ලෙන බොධිසම්‌භාරං ගවෙසන්‌තෙන සතිධිතිගතිවීරියපරක්‌කමන්‌තෙන මහාසමන්‌තගුණසොභනෙන තිපිටකධරෙන පණ්‌ඩිතෙන ආභතං ඉමං අපදාන-අට්‌ඨකථං සබ්‌බො සදෙවලොකො ජානාතූති.
Sīhaḷadīpake appicchatādiguṇavantānaṃ theravaṃsappadīpānaṃ ānandattherādīnaṃ sabbasattānaṃ taṇhāmānadiṭṭhādayo chedananiggahavivecanādyatthaṃ sattahi māsehi ativiya ārādhanena laddhakosallena bodhisambhāraṃ gavesantena satidhitigativīriyaparakkamantena mahāsamantaguṇasobhanena tipiṭakadharena paṇḍitena ābhataṃ imaṃ apadāna-aṭṭhakathaṃ sabbo sadevaloko jānātūti.
අනෙන ලොභාදිමලා පජානං, චක්‌ඛාදිරොගා විවිධා ච දුක්‌ඛා;
Anena lobhādimalā pajānaṃ, cakkhādirogā vividhā ca dukkhā;
කලහාදිභයා දුක්‌ඛිතා ජාතා, චොරාදයොනත්‌ථකරා ච ලොකෙ.
Kalahādibhayā dukkhitā jātā, corādayonatthakarā ca loke.
නස්‌සන්‌තු මෙ පඤ්‌ච වෙරා ච පාපා, නස්‌සන්‌තු ගිම්‌හෙ යථා වුට්‌ඨිවාතා;
Nassantu me pañca verā ca pāpā, nassantu gimhe yathā vuṭṭhivātā;
අට්‌ඨඞ්‌ගිකමග්‌ගවරෙන පත්‌වා, නිබ්‌බානපුරං පටිපාදයාමි.
Aṭṭhaṅgikamaggavarena patvā, nibbānapuraṃ paṭipādayāmi.
සබ්‌බදිට්‌ඨිඤ්‌ච මද්‌දන්‌තො, රාගදොසාදිපාපකෙ;
Sabbadiṭṭhiñca maddanto, rāgadosādipāpake;
සංසාරවට්‌ටං ඡින්‌දිත්‌වා, උපෙමි සග්‌ගමොක්‌ඛකෙ.
Saṃsāravaṭṭaṃ chinditvā, upemi saggamokkhake.
ආණාඛෙත්‌තම්‌හි සබ්‌බත්‌ථ, අවීචිම්‌හි භවග්‌ගතො;
Āṇākhettamhi sabbattha, avīcimhi bhavaggato;
සබ්‌බෙ ධම්‌මානුයායන්‌තු, තයො ලොකා උතුපි චාති.
Sabbe dhammānuyāyantu, tayo lokā utupi cāti.
අපදාන-අට්‌ඨකථා සමත්‌තා.
Apadāna-aṭṭhakathā samattā.
