| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၂. နိရောဓဓမ္မသုတ္တံ
12. Nirodhadhammasuttaṃ
၁၉၃. သာဝတ္ထိနိဒာနံ။ ဧကမန္တံ နိသိန္နော ခော အာယသ္မာ ရာဓော ဘဂဝန္တံ ဧတဒဝောစ – ‘‘သာဓု မေ, ဘန္တေ, ဘဂဝာ သံခိတ္တေန ဓမ္မံ ဒေသေတု, ယမဟံ ဘဂဝတော ဓမ္မံ သုတ္ဝာ ဧကော ဝူပကဋ္ဌော အပ္ပမတ္တော အာတာပီ ပဟိတတ္တော ဝိဟရေယ္ယ’’န္တိ။
193. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.
‘‘ယော ခော, ရာဓ, နိရောဓဓမ္မော; တတ္ရ တေ ဆန္ဒော ပဟာတဗ္ဗော, ရာဂော ပဟာတဗ္ဗော, ဆန္ဒရာဂော ပဟာတဗ္ဗော။ ကော စ, ရာဓ, နိရောဓဓမ္မော? ရူပံ ခော, ရာဓ, နိရောဓဓမ္မော; တတ္ရ တေ ဆန္ဒော ပဟာတဗ္ဗော။ပေ.။ ဝေဒနာ နိရောဓဓမ္မော; တတ္ရ တေ ဆန္ဒော ပဟာတဗ္ဗော။ပေ.။ သညာ နိရောဓဓမ္မော; တတ္ရ တေ ဆန္ဒော ပဟာတဗ္ဗော။ပေ.။ သင္ခာရာ နိရောဓဓမ္မော; တတ္ရ တေ ဆန္ဒော ပဟာတဗ္ဗော။ပေ.။ ဝိညာဏံ နိရောဓဓမ္မော; တတ္ရ တေ ဆန္ဒော ပဟာတဗ္ဗော။ပေ.။ ယော ခော, ရာဓ, နိရောဓဓမ္မော; တတ္ရ တေ ဆန္ဒော ပဟာတဗ္ဗော, ရာဂော ပဟာတဗ္ဗော, ဆန္ဒရာဂော ပဟာတဗ္ဗော’’တိ 1။
‘‘Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo…pe… vedanā nirodhadhammo; tatra te chando pahātabbo…pe… saññā nirodhadhammo; tatra te chando pahātabbo…pe… saṅkhārā nirodhadhammo; tatra te chando pahātabbo…pe… viññāṇaṃ nirodhadhammo; tatra te chando pahātabbo…pe… yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti 2.
အာယာစနဝဂ္ဂော တတိယော။
Āyācanavaggo tatiyo.
တသ္သုဒ္ဒာနံ –
Tassuddānaṃ –
မာရော စ မာရဓမ္မော စ၊ အနိစ္စေန အပရေ ဒုဝေ။
Māro ca māradhammo ca, aniccena apare duve;
ဒုက္ခေန စ ဒုဝေ ဝုတ္တာ၊ အနတ္တေန တထေဝ စ။
Dukkhena ca duve vuttā, anattena tatheva ca;
ခယဝယသမုဒယံ၊ နိရောဓဓမ္မေန ဒ္ဝာဒသာတိ။
Khayavayasamudayaṃ, nirodhadhammena dvādasāti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၁၁. မာရာဒိသုတ္တဧကာဒသကဝဏ္ဏနာ • 1-11. Mārādisuttaekādasakavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁-၁၁. မာရာဒိသုတ္တဧကာဒသကဝဏ္ဏနာ • 1-11. Mārādisuttaekādasakavaṇṇanā
