| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၂. နိရောဓဓမ္မသုတ္တံ
12. Nirodhadhammasuttaṃ
၂၀၅. သာဝတ္ထိနိဒာနံ။ ဧကမန္တံ နိသိန္နံ ခော အာယသ္မန္တံ ရာဓံ ဘဂဝာ ဧတဒဝောစ – ‘‘ယော ခော, ရာဓ, နိရောဓဓမ္မော; တတ္ရ တေ ဆန္ဒော ပဟာတဗ္ဗော, ရာဂော ပဟာတဗ္ဗော, ဆန္ဒရာဂော ပဟာတဗ္ဗော။ ကော စ, ရာဓ, နိရောဓဓမ္မော? ရူပံ ခော, ရာဓ, နိရောဓဓမ္မော; တတ္ရ တေ ဆန္ဒော ပဟာတဗ္ဗော, ရာဂော ပဟာတဗ္ဗော, ဆန္ဒရာဂော ပဟာတဗ္ဗော။ ဝေဒနာ။ပေ.။ သညာ။ပေ.။ သင္ခာရာ။ပေ.။ ဝိညာဏံ နိရောဓဓမ္မော; တတ္ရ တေ ဆန္ဒော ပဟာတဗ္ဗော, ရာဂော ပဟာတဗ္ဗော, ဆန္ဒရာဂော ပဟာတဗ္ဗော။ ယော ခော, ရာဓ, နိရောဓဓမ္မော; တတ္ရ တေ ဆန္ဒော ပဟာတဗ္ဗော, ရာဂော ပဟာတဗ္ဗော, ဆန္ဒရာဂော ပဟာတဗ္ဗော’’တိ။
205. Sāvatthinidānaṃ. Ekamantaṃ nisinnaṃ kho āyasmantaṃ rādhaṃ bhagavā etadavoca – ‘‘yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Vedanā…pe… saññā…pe… saṅkhārā…pe… viññāṇaṃ nirodhadhammo; tatra te chando pahātabbo, rāgo pahātabbo, chandarāgo pahātabbo. Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti.
ဥပနိသိန္နဝဂ္ဂော စတုတ္ထော။
Upanisinnavaggo catuttho.
တသ္သုဒ္ဒာနံ –
Tassuddānaṃ –
မာရော စ မာရဓမ္မော စ၊ အနိစ္စေန အပရေ ဒုဝေ။
Māro ca māradhammo ca, aniccena apare duve;
ဒုက္ခေန စ ဒုဝေ ဝုတ္တာ၊ အနတ္တေန တထေဝ စ။
Dukkhena ca duve vuttā, anattena tatheva ca;
ခယဝယသမုဒယံ၊ နိရောဓဓမ္မေန ဒ္ဝာဒသာတိ။
Khayavayasamudayaṃ, nirodhadhammena dvādasāti.
ရာဓသံယုတ္တံ သမတ္တံ။
Rādhasaṃyuttaṃ samattaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၁၁. မာရာဒိသုတ္တဧကာဒသကဝဏ္ဏနာ • 1-11. Mārādisuttaekādasakavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁-၁၁. မာရာဒိသုတ္တဧကာဒသကဝဏ္ဏနာ • 1-11. Mārādisuttaekādasakavaṇṇanā
