Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
3. නිස්සරණියසුත්තං
3. Nissaraṇiyasuttaṃ
72. වුත්තඤ්හෙතං භගවතා, වුත්තමරහතාති මෙ සුතං –
72. Vuttañhetaṃ bhagavatā, vuttamarahatāti me sutaṃ –
‘‘තිස්සො ඉමා, භික්ඛවෙ, නිස්සරණියා 1 ධාතුයො. කතමා තිස්සො? කාමානමෙතං නිස්සරණං යදිදං නෙක්ඛම්මං, රූපානමෙතං නිස්සරණං යදිදං ආරුප්පං, යං ඛො පන කිඤ්චි භූතං සඞ්ඛතං පටිච්චසමුප්පන්නං නිරොධො තස්ස නිස්සරණං – ඉමා ඛො, භික්ඛවෙ, තිස්සො නිස්සරණියා ධාතුයො’’ති. එතමත්ථං භගවා අවොච. තත්ථෙතං ඉති වුච්චති –
‘‘Tisso imā, bhikkhave, nissaraṇiyā 2 dhātuyo. Katamā tisso? Kāmānametaṃ nissaraṇaṃ yadidaṃ nekkhammaṃ, rūpānametaṃ nissaraṇaṃ yadidaṃ āruppaṃ, yaṃ kho pana kiñci bhūtaṃ saṅkhataṃ paṭiccasamuppannaṃ nirodho tassa nissaraṇaṃ – imā kho, bhikkhave, tisso nissaraṇiyā dhātuyo’’ti. Etamatthaṃ bhagavā avoca. Tatthetaṃ iti vuccati –
‘‘කාමනිස්සරණං ඤත්වා, රූපානඤ්ච අතික්කමං;
‘‘Kāmanissaraṇaṃ ñatvā, rūpānañca atikkamaṃ;
සබ්බසඞ්ඛාරසමථං, ඵුසං ආතාපි සබ්බදා.
Sabbasaṅkhārasamathaṃ, phusaṃ ātāpi sabbadā.
‘‘ස වෙ සම්මද්දසො භික්ඛු, යතො තත්ථ විමුච්චති;
‘‘Sa ve sammaddaso bhikkhu, yato tattha vimuccati;
අභිඤ්ඤාවොසිතො සන්තො, ස වෙ යොගාතිගො මුනී’’ති.
Abhiññāvosito santo, sa ve yogātigo munī’’ti.
අයම්පි අත්ථො වුත්තො භගවතා, ඉති මෙ සුතන්ති. තතියං.
Ayampi attho vutto bhagavatā, iti me sutanti. Tatiyaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 3. නිස්සරණියසුත්තවණ්ණනා • 3. Nissaraṇiyasuttavaṇṇanā