| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
6. ඔපම්‌මකථාපඤ්‌හො
6. Opammakathāpañho
මාතිකා
Mātikā
භන්‌තෙ නාගසෙන, කතිහඞ්‌ගෙහි සමන්‌නාගතො භික්‌ඛු අරහත්‌තං සච්‌ඡිකරොතීති?
Bhante nāgasena, katihaṅgehi samannāgato bhikkhu arahattaṃ sacchikarotīti?
ඉධ, මහාරාජ, අරහත්‌තං සච්‌ඡිකාතුකාමෙන භික්‌ඛුනා –
Idha, mahārāja, arahattaṃ sacchikātukāmena bhikkhunā –
කුක්‌කුටස්‌ස පඤ්‌ච අඞ්‌ගානි ගහෙතබ්‌බානි.
Kukkuṭassa pañca aṅgāni gahetabbāni.
කලන්‌දකස්‌ස එකං අඞ්‌ගං ගහෙතබ්‌බං.
Kalandakassa ekaṃ aṅgaṃ gahetabbaṃ.
දීපිනියා එකං අඞ්‌ගං ගහෙතබ්‌බං.
Dīpiniyā ekaṃ aṅgaṃ gahetabbaṃ.
දීපිකස්‌ස ද්‌වෙ අඞ්‌ගානි ගහෙතබ්‌බානි.
Dīpikassa dve aṅgāni gahetabbāni.
කුම්‌මස්‌ස පඤ්‌ච අඞ්‌ගානි ගහෙතබ්‌බානි.
Kummassa pañca aṅgāni gahetabbāni.
වංසස්‌ස එකං අඞ්‌ගං ගහෙතබ්‌බං.
Vaṃsassa ekaṃ aṅgaṃ gahetabbaṃ.
චාපස්‌ස එකං අඞ්‌ගං ගහෙතබ්‌බං.
Cāpassa ekaṃ aṅgaṃ gahetabbaṃ.
වායසස්‌ස ද්‌වෙ අඞ්‌ගානි ගහෙතබ්‌බානි.
Vāyasassa dve aṅgāni gahetabbāni.
මක්‌කටස්‌ස ද්‌වෙ අඞ්‌ගානි ගහෙතබ්‌බානි.
Makkaṭassa dve aṅgāni gahetabbāni.
ගද්‍රභවග්‌ගො පඨමො.
Gadrabhavaggo paṭhamo.
ලාබුලතාය එකං අඞ්‌ගං ගහෙතබ්‌බං.
Lābulatāya ekaṃ aṅgaṃ gahetabbaṃ.
පදුමස්‌ස තීණි අඞ්‌ගානි ගහෙතබ්‌බානි.
Padumassa tīṇi aṅgāni gahetabbāni.
බීජස්‌ස ද්‌වෙ අඞ්‌ගානි ගහෙතබ්‌බානි.
Bījassa dve aṅgāni gahetabbāni.
සාලකල්‍යාණිකාය එකං අඞ්‌ගං ගහෙතබ්‌බං.
Sālakalyāṇikāya ekaṃ aṅgaṃ gahetabbaṃ.
නාවාය තීණි අඞ්‌ගානි ගහෙතබ්‌බානි.
Nāvāya tīṇi aṅgāni gahetabbāni.
නියාමකස්‌ස තීණි අඞ්‌ගානි ගහෙතබ්‌බානි.
Niyāmakassa tīṇi aṅgāni gahetabbāni.
කම්‌මකාරස්‌ස එකං අඞ්‌ගං ගහෙතබ්‌බං.
Kammakārassa ekaṃ aṅgaṃ gahetabbaṃ.
සමුද්‌දස්‌ස පඤ්‌ච අඞ්‌ගානි ගහෙතබ්‌බානි.
Samuddassa pañca aṅgāni gahetabbāni.
සමුද්‌දවග්‌ගො දුතියො.
Samuddavaggo dutiyo.
පථවියා පඤ්‌ච අඞ්‌ගානි ගහෙතබ්‌බානි.
Pathaviyā pañca aṅgāni gahetabbāni.
ආපස්‌ස පඤ්‌ච අඞ්‌ගානි ගහෙතබ්‌බානි.
Āpassa pañca aṅgāni gahetabbāni.
තෙජස්‌ස පඤ්‌ච අඞ්‌ගානි ගහෙතබ්‌බානි.
Tejassa pañca aṅgāni gahetabbāni.
වායුස්‌ස පඤ්‌ච අඞ්‌ගානි ගහෙතබ්‌බානි.
Vāyussa pañca aṅgāni gahetabbāni.
පබ්‌බතස්‌ස පඤ්‌ච අඞ්‌ගානි ගහෙතබ්‌බානි.
Pabbatassa pañca aṅgāni gahetabbāni.
ආකාසස්‌ස පඤ්‌ච අඞ්‌ගානි ගහෙතබ්‌බානි.
Ākāsassa pañca aṅgāni gahetabbāni.
චන්‌දස්‌ස පඤ්‌ච අඞ්‌ගානි ගහෙතබ්‌බානි.
Candassa pañca aṅgāni gahetabbāni.
සූරියස්‌ස සත්‌ත අඞ්‌ගානි ගහෙතබ්‌බානි.
Sūriyassa satta aṅgāni gahetabbāni.
සක්‌කස්‌ස තීණි අඞ්‌ගානි ගහෙතබ්‌බානි.
Sakkassa tīṇi aṅgāni gahetabbāni.
චක්‌කවත්‌තිස්‌ස චත්‌තාරි අඞ්‌ගානි ගහෙතබ්‌බානි.
Cakkavattissa cattāri aṅgāni gahetabbāni.
පථවීවග්‌ගො තතියො.
Pathavīvaggo tatiyo.
උපචිකාය එකං අඞ්‌ගං ගහෙතබ්‌බං.
Upacikāya ekaṃ aṅgaṃ gahetabbaṃ.
බිළාරස්‌ස ද්‌වෙ අඞ්‌ගානි ගහෙතබ්‌බානි.
Biḷārassa dve aṅgāni gahetabbāni.
උන්‌දූරස්‌ස එකං අඞ්‌ගං ගහෙතබ්‌බං.
Undūrassa ekaṃ aṅgaṃ gahetabbaṃ.
විච්‌ඡිකස්‌ස එකං අඞ්‌ගං ගහෙතබ්‌බං.
Vicchikassa ekaṃ aṅgaṃ gahetabbaṃ.
නකුලස්‌ස එකං අඞ්‌ගං ගහෙතබ්‌බං.
Nakulassa ekaṃ aṅgaṃ gahetabbaṃ.
ජරසිඞ්‌ගාලස්‌ස ද්‌වෙ අඞ්‌ගානි ගහෙතබ්‌බානි.
Jarasiṅgālassa dve aṅgāni gahetabbāni.
මිගස්‌ස තීණි අඞ්‌ගානි ගහෙතබ්‌බානි.
Migassa tīṇi aṅgāni gahetabbāni.
ගොරූපස්‌ස චත්‌තාරි අඞ්‌ගානි ගහෙතබ්‌බානි.
Gorūpassa cattāri aṅgāni gahetabbāni.
වරාහස්‌ස ද්‌වෙ අඞ්‌ගානි ගහෙතබ්‌බානි.
Varāhassa dve aṅgāni gahetabbāni.
හත්‌ථිස්‌ස පඤ්‌ච අඞ්‌ගානි ගහෙතබ්‌බානි.
Hatthissa pañca aṅgāni gahetabbāni.
උපචිකාවග්‌ගො චතුත්‌ථො.
Upacikāvaggo catuttho.
සීහස්‌ස සත්‌ත අඞ්‌ගානි ගහෙතබ්‌බානි.
Sīhassa satta aṅgāni gahetabbāni.
චක්‌කවාකස්‌ස තීණි අඞ්‌ගානි ගහෙතබ්‌බානි.
Cakkavākassa tīṇi aṅgāni gahetabbāni.
පෙණාහිකාය ද්‌වෙ අඞ්‌ගානි ගහෙතබ්‌බානි.
Peṇāhikāya dve aṅgāni gahetabbāni.
ඝරකපොතස්‌ස එකං අඞ්‌ගං ගහෙතබ්‌බං.
Gharakapotassa ekaṃ aṅgaṃ gahetabbaṃ.
උලූකස්‌ස ද්‌වෙ අඞ්‌ගානි ගහෙතබ්‌බානි.
Ulūkassa dve aṅgāni gahetabbāni.
සතපත්‌තස්‌ස එකං අඞ්‌ගං ගහෙතබ්‌බං.
Satapattassa ekaṃ aṅgaṃ gahetabbaṃ.
වග්‌ගුලිස්‌ස ද්‌වෙ අඞ්‌ගානි ගහෙතබ්‌බානි.
Vaggulissa dve aṅgāni gahetabbāni.
ජලූකාය එකං අඞ්‌ගං ගහෙතබ්‌බං.
Jalūkāya ekaṃ aṅgaṃ gahetabbaṃ.
සප්‌පස්‌ස තීණි අඞ්‌ගානි ගහෙතබ්‌බානි.
Sappassa tīṇi aṅgāni gahetabbāni.
අජගරස්‌ස එකං අඞ්‌ගං ගහෙතබ්‌බං.
Ajagarassa ekaṃ aṅgaṃ gahetabbaṃ.
සීහවග්‌ගො පඤ්‌චමො.
Sīhavaggo pañcamo.
පන්‌ථමක්‌කටකස්‌ස එකං අඞ්‌ගං ගහෙතබ්‌බං.
Panthamakkaṭakassa ekaṃ aṅgaṃ gahetabbaṃ.
පවනස්‌ස පඤ්‌ච අඞ්‌ගානි ගහෙතබ්‌බානි.
Pavanassa pañca aṅgāni gahetabbāni.
රුක්‌ඛස්‌ස තීණි අඞ්‌ගානි ගහෙතබ්‌බානි.
Rukkhassa tīṇi aṅgāni gahetabbāni.
මෙඝස්‌ස පඤ්‌ච අඞ්‌ගානි ගහෙතබ්‌බානි.
Meghassa pañca aṅgāni gahetabbāni.
මණිරතනස්‌ස තීණි අඞ්‌ගානි ගහෙතබ්‌බානි.
Maṇiratanassa tīṇi aṅgāni gahetabbāni.
මාගවිකස්‌ස චත්‌තාරි අඞ්‌ගානි ගහෙතබ්‌බානි.
Māgavikassa cattāri aṅgāni gahetabbāni.
බාළිසිකස්‌ස ද්‌වෙ අඞ්‌ගානි ගහෙතබ්‌බානි.
Bāḷisikassa dve aṅgāni gahetabbāni.
තච්‌ඡකස්‌ස ද්‌වෙ අඞ්‌ගානි ගහෙතබ්‌බානි.
Tacchakassa dve aṅgāni gahetabbāni.
මක්‌කටවග්‌ගො ඡට්‌ඨො.
Makkaṭavaggo chaṭṭho.
කුම්‌භස්‌ස එකං අඞ්‌ගං ගහෙතබ්‌බං.
Kumbhassa ekaṃ aṅgaṃ gahetabbaṃ.
ඡත්‌තස්‌ස තීණි අඞ්‌ගානි ගහෙතබ්‌බානි.
Chattassa tīṇi aṅgāni gahetabbāni.
ඛෙත්‌තස්‌ස තීණි අඞ්‌ගානි ගහෙතබ්‌බානි.
Khettassa tīṇi aṅgāni gahetabbāni.
අගදස්‌ස ද්‌වෙ අඞ්‌ගානි ගහෙතබ්‌බානි.
Agadassa dve aṅgāni gahetabbāni.
භොජනස්‌ස තීණි අඞ්‌ගානි ගහෙතබ්‌බානි.
Bhojanassa tīṇi aṅgāni gahetabbāni.
ඉස්‌සාසස්‌ස චත්‌තාරි අඞ්‌ගානි ගහෙතබ්‌බානි.
Issāsassa cattāri aṅgāni gahetabbāni.
කුම්‌භවග්‌ගො සත්‌තමො.
Kumbhavaggo sattamo.
රඤ්‌ඤො චත්‌තාරි අඞ්‌ගානි ගහෙතබ්‌බානි.
Rañño cattāri aṅgāni gahetabbāni.
දොවාරිකස්‌ස ද්‌වෙ අඞ්‌ගානි ගහෙතබ්‌බානි.
Dovārikassa dve aṅgāni gahetabbāni.
නිසදාය එකං අඞ්‌ගං ගහෙතබ්‌බං.
Nisadāya ekaṃ aṅgaṃ gahetabbaṃ.
පදීපස්‌ස ද්‌වෙ අඞ්‌ගානි ගහෙතබ්‌බානි.
Padīpassa dve aṅgāni gahetabbāni.
මයූරස්‌ස ද්‌වෙ අඞ්‌ගානි ගහෙතබ්‌බානි.
Mayūrassa dve aṅgāni gahetabbāni.
තුරඞ්‌ගස්‌ස ද්‌වෙ අඞ්‌ගානි ගහෙතබ්‌බානි.
Turaṅgassa dve aṅgāni gahetabbāni.
සොණ්‌ඩිකස්‌ස ද්‌වෙ අඞ්‌ගානි ගහෙතබ්‌බානි.
Soṇḍikassa dve aṅgāni gahetabbāni.
ඉන්‌දඛීලස්‌ස ද්‌වෙ අඞ්‌ගානි ගහෙතබ්‌බානි.
Indakhīlassa dve aṅgāni gahetabbāni.
තුලාය එකං අඞ්‌ගං ගහෙතබ්‌බං.
Tulāya ekaṃ aṅgaṃ gahetabbaṃ.
ඛග්‌ගස්‌ස ද්‌වෙ අඞ්‌ගානි ගහෙතබ්‌බානි.
Khaggassa dve aṅgāni gahetabbāni.
මච්‌ඡස්‌ස ද්‌වෙ අඞ්‌ගානි ගහෙතබ්‌බානි.
Macchassa dve aṅgāni gahetabbāni.
ඉණග්‌ගාහකස්‌ස එකං අඞ්‌ගං ගහෙතබ්‌බං.
Iṇaggāhakassa ekaṃ aṅgaṃ gahetabbaṃ.
බ්‍යාධිතස්‌ස ද්‌වෙ අඞ්‌ගානි ගහෙතබ්‌බානි.
Byādhitassa dve aṅgāni gahetabbāni.
මතස්‌ස ද්‌වෙ අඞ්‌ගානි ගහෙතබ්‌බානි.
Matassa dve aṅgāni gahetabbāni.
නදියා ද්‌වෙ අඞ්‌ගානි ගහෙතබ්‌බානි.
Nadiyā dve aṅgāni gahetabbāni.
උසභස්‌ස එකං අඞ්‌ගං ගහෙතබ්‌බං.
Usabhassa ekaṃ aṅgaṃ gahetabbaṃ.
මග්‌ගස්‌ස ද්‌වෙ අඞ්‌ගානි ගහෙතබ්‌බානි.
Maggassa dve aṅgāni gahetabbāni.
සුඞ්‌කසායිකස්‌ස එකං අඞ්‌ගං ගහෙතබ්‌බං.
Suṅkasāyikassa ekaṃ aṅgaṃ gahetabbaṃ.
චොරස්‌ස තීණි අඞ්‌ගානි ගහෙතබ්‌බානි.
Corassa tīṇi aṅgāni gahetabbāni.
සකුණග්‌ඝියා එකං අඞ්‌ගං ගහෙතබ්‌බං.
Sakuṇagghiyā ekaṃ aṅgaṃ gahetabbaṃ.
සුනඛස්‌ස එකං අඞ්‌ගං ගහෙතබ්‌බං.
Sunakhassa ekaṃ aṅgaṃ gahetabbaṃ.
තිකිච්‌ඡකස්‌ස තීණි අඞ්‌ගානි ගහෙතබ්‌බානි.
Tikicchakassa tīṇi aṅgāni gahetabbāni.
ගබ්‌භිනියා ද්‌වෙ අඞ්‌ගානි ගහෙතබ්‌බානි.
Gabbhiniyā dve aṅgāni gahetabbāni.
චමරියා එකං අඞ්‌ගං ගහෙතබ්‌බං.
Camariyā ekaṃ aṅgaṃ gahetabbaṃ.
කිකියා ද්‌වෙ අඞ්‌ගානි ගහෙතබ්‌බානි.
Kikiyā dve aṅgāni gahetabbāni.
කපොතිකාය තීණි අඞ්‌ගානි ගහෙතබ්‌බානි.
Kapotikāya tīṇi aṅgāni gahetabbāni.
එකනයනස්‌ස ද්‌වෙ අඞ්‌ගානි ගහෙතබ්‌බානි.
Ekanayanassa dve aṅgāni gahetabbāni.
කස්‌සකස්‌ස තීණි අඞ්‌ගානි ගහෙතබ්‌බානි.
Kassakassa tīṇi aṅgāni gahetabbāni.
ජම්‌බුකසිඞ්‌ගාලියා එකං අඞ්‌ගං ගහෙතබ්‌බං.
Jambukasiṅgāliyā ekaṃ aṅgaṃ gahetabbaṃ.
චඞ්‌ගවාරකස්‌ස ද්‌වෙ අඞ්‌ගානි ගහෙතබ්‌බානි.
Caṅgavārakassa dve aṅgāni gahetabbāni.
දබ්‌බියා එකං අඞ්‌ගං ගහෙතබ්‌බං.
Dabbiyā ekaṃ aṅgaṃ gahetabbaṃ.
ඉණසාධකස්‌ස තීණි අඞ්‌ගානි ගහෙතබ්‌බානි.
Iṇasādhakassa tīṇi aṅgāni gahetabbāni.
අනුවිචිනකස්‌ස එකං අඞ්‌ගං ගහෙතබ්‌බං.
Anuvicinakassa ekaṃ aṅgaṃ gahetabbaṃ.
සාරථිස්‌ස ද්‌වෙ අඞ්‌ගානි ගහෙතබ්‌බානි.
Sārathissa dve aṅgāni gahetabbāni.
භොජකස්‌ස ද්‌වෙ අඞ්‌ගානි ගහෙතබ්‌බානි.
Bhojakassa dve aṅgāni gahetabbāni.
තුන්‌නවායස්‌ස එකං අඞ්‌ගං ගහෙතබ්‌බං.
Tunnavāyassa ekaṃ aṅgaṃ gahetabbaṃ.
නාවිකස්‌ස එකං අඞ්‌ගං ගහෙතබ්‌බං.
Nāvikassa ekaṃ aṅgaṃ gahetabbaṃ.
භමරස්‌ස ද්‌වෙ අඞ්‌ගානි ගහෙතබ්‌බානීති.
Bhamarassa dve aṅgāni gahetabbānīti.
මාතිකා නිට්‌ඨිතා.
Mātikā niṭṭhitā.
Footnotes:
