| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၂. ပစ္ဆာသမဏသုတ္တံ
2. Pacchāsamaṇasuttaṃ
၁၁၂. ‘‘ပဉ္စဟိ, ဘိက္ခဝေ, ဓမ္မေဟိ သမန္နာဂတော ပစ္ဆာသမဏော န အာဒာတဗ္ဗော။ ကတမေဟိ ပဉ္စဟိ? အတိဒူရေ ဝာ ဂစ္ဆတိ အစ္စာသန္နေ ဝာ , န ပတ္တပရိယာပန္နံ ဂဏ္ဟတိ, အာပတ္တိသာမန္တာ ဘဏမာနံ န နိဝာရေတိ, ဘဏမာနသ္သ အန္တရန္တရာ ကထံ ဩပာတေတိ, ဒုပ္ပညော ဟောတိ ဇဠော ဧဠမူဂော။ ဣမေဟိ ခော, ဘိက္ခဝေ, ပဉ္စဟိ ဓမ္မေဟိ သမန္နာဂတော ပစ္ဆာသမဏော န အာဒာတဗ္ဗော။
112. ‘‘Pañcahi, bhikkhave, dhammehi samannāgato pacchāsamaṇo na ādātabbo. Katamehi pañcahi? Atidūre vā gacchati accāsanne vā , na pattapariyāpannaṃ gaṇhati, āpattisāmantā bhaṇamānaṃ na nivāreti, bhaṇamānassa antarantarā kathaṃ opāteti, duppañño hoti jaḷo eḷamūgo. Imehi kho, bhikkhave, pañcahi dhammehi samannāgato pacchāsamaṇo na ādātabbo.
‘‘ပဉ္စဟိ, ဘိက္ခဝေ, ဓမ္မေဟိ သမန္နာဂတော ပစ္ဆာသမဏော အာဒာတဗ္ဗော။ ကတမေဟိ ပဉ္စဟိ? နာတိဒူရေ ဂစ္ဆတိ န အစ္စာသန္နေ, ပတ္တပရိယာပန္နံ ဂဏ္ဟတိ, အာပတ္တိသာမန္တာ ဘဏမာနံ နိဝာရေတိ , ဘဏမာနသ္သ န အန္တရန္တရာ ကထံ ဩပာတေတိ, ပညဝာ ဟောတိ အဇဠော အနေဠမူဂော။ ဣမေဟိ ခော, ဘိက္ခဝေ, ပဉ္စဟိ ဓမ္မေဟိ သမန္နာဂတော ပစ္ဆာသမဏော အာဒာတဗ္ဗော’’တိ။ ဒုတိယံ။
‘‘Pañcahi, bhikkhave, dhammehi samannāgato pacchāsamaṇo ādātabbo. Katamehi pañcahi? Nātidūre gacchati na accāsanne, pattapariyāpannaṃ gaṇhati, āpattisāmantā bhaṇamānaṃ nivāreti , bhaṇamānassa na antarantarā kathaṃ opāteti, paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato pacchāsamaṇo ādātabbo’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၂. ပစ္ဆာသမဏသုတ္တဝဏ္ဏနာ • 2. Pacchāsamaṇasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄. ကုလူပကသုတ္တာဒိဝဏ္ဏနာ • 1-4. Kulūpakasuttādivaṇṇanā
