| Library / Tipiṭaka / තිපිටක • Tipiṭaka / නෙත්‌තිප්‌පකරණ-ටීකා • Nettippakaraṇa-ṭīkā |
4. පදට්‌ඨානහාරසම්‌පාතාදිවණ්‌ණනා
4. Padaṭṭhānahārasampātādivaṇṇanā
66. යස්‌මා වා සංකිලෙසතො රක්‌ඛිතචිත්‌තස්‌ස තීණි සුචරිතානි පාරිපූරිං ගච්‌ඡන්‌ති, තස්‌මා රක්‌ඛිතචිත්‌තස්‌සාති එත්‌ථ යායං රක්‌ඛිතචිත්‌තතා, සා කායසුචරිතාදීනං තිණ්‌ණං සුචරිතානං පදට්‌ඨානන්‌ති එවමෙත්‌ථ අත්‌ථො වෙදිතබ්‌බො. අත්‌තාධීනන්‌ති අත්‌තපරාධීනං.
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti, tasmā rakkhitacittassāti ettha yāyaṃ rakkhitacittatā, sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo. Attādhīnanti attaparādhīnaṃ.
තතො එවාති කාරණග්‌ගහණෙන ඵලස්‌ස ගහිතත්‌තා එව.
Tato evāti kāraṇaggahaṇena phalassa gahitattā eva.
68. තත්‌ථ ඉතිසද්‌දොති ‘‘පරිපාලීයතී’’ති ඉතිසද්‌දො.
68.Tatthaitisaddoti ‘‘paripālīyatī’’ti itisaddo.
73-4. පාළියං පඤ්‌චින්‌ද්‍රියානි තීහි ඛන්‌ධෙහි සඞ්‌ගහිතානීති එත්‌ථ සද්‌ධාවීරියසතින්‌ද්‍රියෙහි පාතිමොක්‌ඛාදි තිවිධං සීලං ගහිතං සොධෙතබ්‌බත්‌තා. තෙසන්‌ති තෙහි සීලක්‌ඛන්‌ධො සඞ්‌ගහිතො. සමාධිපඤ්‌ඤින්‌ද්‍රියෙහි සමාධිපඤ්‌ඤාක්‌ඛන්‌ධා ගහිතාති පාකටොයමත්‌ථො, තථා සෙසම්‌පීති ආහ ‘‘ඉතො පරෙසු…පෙ.… වුත්‌තනයමෙවා’’ති.
73-4. Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā. Tesanti tehi sīlakkhandho saṅgahito. Samādhipaññindriyehi samādhipaññākkhandhā gahitāti pākaṭoyamattho, tathā sesampīti āha ‘‘ito paresu…pe… vuttanayamevā’’ti.
76. හෙතුහෙතුසමුප්‌පන්‌නපච්‌චයපච්‌චයුප්‌පන්‌නසඞ්‌ඛාතස්‌සාති එත්‌ථ හෙතුපච්‌චයවිභාගො හෙට්‌ඨා වුත්‌තොයෙව.
76.Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva.
පදට්‌ඨානහාරසම්‌පාතාදිවණ්‌ණනා නිට්‌ඨිතා.
Padaṭṭhānahārasampātādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / නෙත්‌තිප්‌පකරණපාළි • Nettippakaraṇapāḷi / 4. පදට්‌ඨානහාරසම්‌පාතො • 4. Padaṭṭhānahārasampāto
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / නෙත්‌තිප්‌පකරණ-අට්‌ඨකථා • Nettippakaraṇa-aṭṭhakathā / 4. පදට්‌ඨානහාරසම්‌පාතවණ්‌ණනා • 4. Padaṭṭhānahārasampātavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / ඛුද්‌දකනිකාය (ටීකා) • Khuddakanikāya (ṭīkā) / නෙත්‌තිවිභාවිනී • Nettivibhāvinī / 4. පදට්‌ඨානහාරසම්‌පාතවිභාවනා • 4. Padaṭṭhānahārasampātavibhāvanā
