| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
(၂၇) ၇. ကမ္မပထဝဂ္ဂော
(27) 7. Kammapathavaggo
၁. ပာဏာတိပာတီသုတ္တံ
1. Pāṇātipātīsuttaṃ
၂၆၄. ‘‘စတူဟိ , ဘိက္ခဝေ, ဓမ္မေဟိ သမန္နာဂတော ယထာဘတံ နိက္ခိတ္တော ဧဝံ နိရယေ။ ကတမေဟိ စတူဟိ? အတ္တနာ စ ပာဏာတိပာတီ ဟောတိ, ပရဉ္စ ပာဏာတိပာတေ သမာဒပေတိ, ပာဏာတိပာတေ စ သမနုညော ဟောတိ, ပာဏာတိပာတသ္သ စ ဝဏ္ဏံ ဘာသတိ – ဣမေဟိ ခော, ဘိက္ခဝေ, စတူဟိ ဓမ္မေဟိ သမန္နာဂတော ယထာဘတံ နိက္ခိတ္တော ဧဝံ နိရယေ။
264. ‘‘Catūhi , bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Attanā ca pāṇātipātī hoti, parañca pāṇātipāte samādapeti, pāṇātipāte ca samanuñño hoti, pāṇātipātassa ca vaṇṇaṃ bhāsati – imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.
‘‘စတူဟိ, ဘိက္ခဝေ, ဓမ္မေဟိ သမန္နာဂတော ယထာဘတံ နိက္ခိတ္တော ဧဝံ သဂ္ဂေ။ ကတမေဟိ စတူဟိ? အတ္တနာ စ ပာဏာတိပာတာ ပဋိဝိရတော ဟောတိ, ပရဉ္စ ပာဏာတိပာတာ ဝေရမဏိယာ သမာဒပေတိ, ပာဏာတိပာတာ ဝေရမဏိယာ စ သမနုညော ဟောတိ, ပာဏာတိပာတာ ဝေရမဏိယာ စ ဝဏ္ဏံ ဘာသတိ – ဣမေဟိ ခော, ဘိက္ခဝေ, စတူဟိ ဓမ္မေဟိ သမန္နာဂတော ယထာဘတံ နိက္ခိတ္တော ဧဝံ သဂ္ဂေ’’တိ။ ပဌမံ။
‘‘Catūhi, bhikkhave, dhammehi samannāgato yathābhataṃ nikkhitto evaṃ sagge. Katamehi catūhi? Attanā ca pāṇātipātā paṭivirato hoti, parañca pāṇātipātā veramaṇiyā samādapeti, pāṇātipātā veramaṇiyā ca samanuñño hoti, pāṇātipātā veramaṇiyā ca vaṇṇaṃ bhāsati – imehi kho, bhikkhave, catūhi dhammehi samannāgato yathābhataṃ nikkhitto evaṃ sagge’’ti. Paṭhamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / (၂၇) ၇. ကမ္မပထဝဂ္ဂဝဏ္ဏနာ • (27) 7. Kammapathavaggavaṇṇanā
