| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
10. පඤ්‌චඞ්‌ගුලියත්‌ථෙරඅපදානවණ්‌ණනා
10. Pañcaṅguliyattheraapadānavaṇṇanā
තිස්‌සො නාමාසි භගවාතිආදිකං ආයස්‌මතො පඤ්‌චඞ්‌ගුලියත්‌ථෙරස්‌ස අපදානං. අයම්‌පි පුරිමබුද්‌ධෙසු කතාධිකාරෙ තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො තිස්‌සස්‌ස භගවතො කාලෙ එකස්‌මිං කුලෙ නිබ්‌බත්‌තො වුද්‌ධිමන්‌වාය ඝරාවාසං සණ්‌ඨපෙත්‌වා විභවසම්‌පන්‌නො සද්‌ධො පසන්‌නො වීථිතො විහාරං පටිපන්‌නං භගවන්‌තං දිස්‌වා ජාතිසුමනාදිඅනෙකානි සුගන්‌ධපුප්‌ඵානි චන්‌දනාදීනි ච විලෙපනානි ගාහාපෙත්‌වා විහාරං ගතො පුප්‌ඵෙහි භගවන්‌තං පූජෙත්‌වා විලෙපනෙහි භගවතො සරීරෙ පඤ්‌චඞ්‌ගුලිකං කත්‌වා වන්‌දිත්‌වා පක්‌කාමි.
Tissonāmāsi bhagavātiādikaṃ āyasmato pañcaṅguliyattherassa apadānaṃ. Ayampi purimabuddhesu katādhikāre tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kule nibbatto vuddhimanvāya gharāvāsaṃ saṇṭhapetvā vibhavasampanno saddho pasanno vīthito vihāraṃ paṭipannaṃ bhagavantaṃ disvā jātisumanādianekāni sugandhapupphāni candanādīni ca vilepanāni gāhāpetvā vihāraṃ gato pupphehi bhagavantaṃ pūjetvā vilepanehi bhagavato sarīre pañcaṅgulikaṃ katvā vanditvā pakkāmi.
50. සො තෙන පුඤ්‌ඤෙන දෙවමනුස්‌සෙසු උභයසම්‌පත්‌තියො අනුභවිත්‌වා ඉමස්‌මිං බුද්‌ධුප්‌පාදෙ විභවසම්‌පන්‌නෙ එකස්‌මිං කුලෙ නිබ්‌බත්‌තිත්‌වා වුද්‌ධිමන්‌වාය සත්‌ථු ධම්‌මදෙසනං සුත්‌වා පසන්‌නමානසො පබ්‌බජිත්‌වා විපස්‌සනං වඩ්‌ඪෙත්‌වා නචිරස්‌සෙව අරහා හුත්‌වා පුබ්‌බකම්‌මං සරන්‌තො පච්‌චක්‌ඛතො ඤත්‌වා ‘‘ඉමං නාම කුසලකම්‌මං කත්‌වා ඊදිසං ලොකුත්‌තරසම්‌පත්‌තිං පත්‌තොම්‌හී’’ති පුබ්‌බචරිතාපදානං පකාසෙන්‌තො තිස්‌සො නාමාසි භගවාතිආදිමාහ. තං සබ්‌බං උත්‌තානත්‌ථමෙවාති.
50. So tena puññena devamanussesu ubhayasampattiyo anubhavitvā imasmiṃ buddhuppāde vibhavasampanne ekasmiṃ kule nibbattitvā vuddhimanvāya satthu dhammadesanaṃ sutvā pasannamānaso pabbajitvā vipassanaṃ vaḍḍhetvā nacirasseva arahā hutvā pubbakammaṃ saranto paccakkhato ñatvā ‘‘imaṃ nāma kusalakammaṃ katvā īdisaṃ lokuttarasampattiṃ pattomhī’’ti pubbacaritāpadānaṃ pakāsento tisso nāmāsi bhagavātiādimāha. Taṃ sabbaṃ uttānatthamevāti.
පඤ්‌චඞ්‌ගුලියත්‌ථෙරඅපදානවණ්‌ණනා සමත්‌තා.
Pañcaṅguliyattheraapadānavaṇṇanā samattā.
සත්‌තරසමවග්‌ගවණ්‌ණනා සමත්‌තා.
Sattarasamavaggavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 10. පඤ්‌චඞ්‌ගුලියත්‌ථෙරඅපදානං • 10. Pañcaṅguliyattheraapadānaṃ
