| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
3. පඤ්‌චායතනකම්‌මනිබ්‌බත්‌තපඤ්‌හො
3. Pañcāyatanakammanibbattapañho
3. රාජා ආහ ‘‘භන්‌තෙ නාගසෙන, යානිමානි පඤ්‌චායතනානි, කිං නු තානි නානාකම්‌මෙහි නිබ්‌බත්‌තානි, උදාහු එකෙන කම්‌මෙනා’’ති? ‘‘නානාකම්‌මෙහි, මහාරාජ, නිබ්‌බත්‌තානි, න එකෙන කම්‌මෙනා’’ති.
3. Rājā āha ‘‘bhante nāgasena, yānimāni pañcāyatanāni, kiṃ nu tāni nānākammehi nibbattāni, udāhu ekena kammenā’’ti? ‘‘Nānākammehi, mahārāja, nibbattāni, na ekena kammenā’’ti.
‘‘ඔපම්‌මං කරොහී’’ති. ‘‘තං කිං මඤ්‌ඤසි, මහාරාජ, එකස්‌මිං ඛෙත්‌තෙ නානාබීජානි වප්‌පෙය්‍යුං , තෙසං නානාබීජානං නානාඵලානි නිබ්‌බත්‌තෙය්‍යු’’න්‌ති? ‘‘ආම, භන්‌තෙ, නිබ්‌බත්‌තෙය්‍යු’’න්‌ති. ‘‘එවමෙව ඛො, මහාරාජ, යානි යානි පඤ්‌චායතනානි, තානි තානි නානාකම්‌මෙහි නිබ්‌බත්‌තානි, න එකෙන කම්‌මෙනා’’ති.
‘‘Opammaṃ karohī’’ti. ‘‘Taṃ kiṃ maññasi, mahārāja, ekasmiṃ khette nānābījāni vappeyyuṃ , tesaṃ nānābījānaṃ nānāphalāni nibbatteyyu’’nti? ‘‘Āma, bhante, nibbatteyyu’’nti. ‘‘Evameva kho, mahārāja, yāni yāni pañcāyatanāni, tāni tāni nānākammehi nibbattāni, na ekena kammenā’’ti.
‘‘කල්‌ලොසි, භන්‌තෙ නාගසෙනා’’ති.
‘‘Kallosi, bhante nāgasenā’’ti.
පඤ්‌චායතනකම්‌මනිබ්‌බත්‌තපඤ්‌හො තතියො.
Pañcāyatanakammanibbattapañho tatiyo.
