| Library / Tipiṭaka / තිපිටක • Tipiṭaka / සම්‌මොහවිනොදනී-අට්‌ඨකථා • Sammohavinodanī-aṭṭhakathā |
3. පඤ්‌හාපුච්‌ඡකවණ්‌ණනා
3. Pañhāpucchakavaṇṇanā
185. පඤ්‌හාපුච්‌ඡකෙ අට්‌ඨාරසන්‌නං ධාතූනං හෙට්‌ඨා වුත්‌තනයානුසාරෙනෙව කුසලාදිභාවො වෙදිතබ්‌බො. ආරම්‌මණත්‌තිකෙසු පන ඡ ධාතුයො පරිත්‌තාරම්‌මණාති ඉදං පන පඤ්‌චන්‌නං චක්‌ඛුවිඤ්‌ඤාණාදීනං මනොධාතුයා ච එකන්‌තෙන පඤ්‌චසු රූපාරම්‌මණාදීසු පවත්‌තිං සන්‌ධාය වුත්‌තං. ද්‌වෙ ධාතුයොති වුත්‌තානං පන ධම්‌මධාතුමනොවිඤ්‌ඤාණධාතූනං මනායතනධම්‌මායතනෙසු වුත්‌තනයෙනෙව පරිත්‌තාරම්‌මණාදිතා වෙදිතබ්‌බා. ඉති ඉමස්‌මිම්‌පි පඤ්‌හාපුච්‌ඡකෙ සොළස ධාතුයො කාමාවචරා, ද්‌වෙ චතුභූමිකා ලොකියලොකුත්‌තරමිස්‌සකා කථිතා. එවමයං ධාතුවිභඞ්‌ගොපි තෙපරිවට්‌ටං නීහරිත්‌වාව භාජෙත්‌වා දෙසිතොති.
185. Pañhāpucchake aṭṭhārasannaṃ dhātūnaṃ heṭṭhā vuttanayānusāreneva kusalādibhāvo veditabbo. Ārammaṇattikesu pana cha dhātuyo parittārammaṇāti idaṃ pana pañcannaṃ cakkhuviññāṇādīnaṃ manodhātuyā ca ekantena pañcasu rūpārammaṇādīsu pavattiṃ sandhāya vuttaṃ. Dve dhātuyoti vuttānaṃ pana dhammadhātumanoviññāṇadhātūnaṃ manāyatanadhammāyatanesu vuttanayeneva parittārammaṇāditā veditabbā. Iti imasmimpi pañhāpucchake soḷasa dhātuyo kāmāvacarā, dve catubhūmikā lokiyalokuttaramissakā kathitā. Evamayaṃ dhātuvibhaṅgopi teparivaṭṭaṃ nīharitvāva bhājetvā desitoti.
සම්‌මොහවිනොදනියා විභඞ්‌ගට්‌ඨකථාය
Sammohavinodaniyā vibhaṅgaṭṭhakathāya
ධාතුවිභඞ්‌ගවණ්‌ණනා නිට්‌ඨිතා.
Dhātuvibhaṅgavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / විභඞ්‌ගපාළි • Vibhaṅgapāḷi / 3. ධාතුවිභඞ්‌ගො • 3. Dhātuvibhaṅgo
