| Library / Tipiṭaka / තිපිටක • Tipiṭaka / සම්‌මොහවිනොදනී-අට්‌ඨකථා • Sammohavinodanī-aṭṭhakathā |
3. පඤ්‌හාපුච්‌ඡකවණ්‌ණනා
3. Pañhāpucchakavaṇṇanā
714. පඤ්‌හාපුච්‌ඡකෙ පාළිඅනුසාරෙනෙව සික්‌ඛාපදානං කුසලාදිභාවො වෙදිතබ්‌බො. ආරම්‌මණත්‌තිකෙසු පන යානි සික්‌ඛාපදානි එත්‌ථ සත්‌තාරම්‌මණානීති වුත්‌තානි, තානි යස්‌මා සත්‌තොති සඞ්‌ඛං ගතෙ සඞ්‌ඛාරෙයෙව ආරම්‌මණං කරොන්‌ති, යස්‌මා ච සබ්‌බානිපි එතානි සම්‌පත්‌තවිරතිවසෙනෙව නිද්‌දිට්‌ඨානි, තස්‌මා ‘‘පරිත්‌තාරම්‌මණා’’ති ච ‘‘පච්‌චුප්‌පන්‌නාරම්‌මණා’’ති ච වුත්‌තං. යතො පන විරමති තස්‌ස වත්‌ථුනො අච්‌චන්‌තබහිද්‌ධත්‌තා සබ්‌බෙසම්‌පි බහිද්‌ධාරම්‌මණතා වෙදිතබ්‌බාති.
714. Pañhāpucchake pāḷianusāreneva sikkhāpadānaṃ kusalādibhāvo veditabbo. Ārammaṇattikesu pana yāni sikkhāpadāni ettha sattārammaṇānīti vuttāni, tāni yasmā sattoti saṅkhaṃ gate saṅkhāreyeva ārammaṇaṃ karonti, yasmā ca sabbānipi etāni sampattavirativaseneva niddiṭṭhāni, tasmā ‘‘parittārammaṇā’’ti ca ‘‘paccuppannārammaṇā’’ti ca vuttaṃ. Yato pana viramati tassa vatthuno accantabahiddhattā sabbesampi bahiddhārammaṇatā veditabbāti.
ඉමස්‌මිං පන සික්‌ඛාපදවිභඞ්‌ගෙ සම්‌මාසම්‌බුද්‌ධෙන අභිධම්‌මභාජනීයෙපි පඤ්‌හාපුච්‌ඡකෙපි ලොකියානෙව සික්‌ඛාපදානි කථිතානි. උභොපි හි එතෙ නයා ලොකියත්‌තා එකපරිච්‌ඡෙදා එව. එවමයං සික්‌ඛාපදවිභඞ්‌ගො ද්‌වෙපරිවට්‌ටං නීහරිත්‌වාව භාජෙත්‌වා දස්‌සිතොති.
Imasmiṃ pana sikkhāpadavibhaṅge sammāsambuddhena abhidhammabhājanīyepi pañhāpucchakepi lokiyāneva sikkhāpadāni kathitāni. Ubhopi hi ete nayā lokiyattā ekaparicchedā eva. Evamayaṃ sikkhāpadavibhaṅgo dveparivaṭṭaṃ nīharitvāva bhājetvā dassitoti.
සම්‌මොහවිනොදනියා විභඞ්‌ගට්‌ඨකථාය
Sammohavinodaniyā vibhaṅgaṭṭhakathāya
සික්‌ඛාපදවිභඞ්‌ගවණ්‌ණනා නිට්‌ඨිතා.
Sikkhāpadavibhaṅgavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / විභඞ්‌ගපාළි • Vibhaṅgapāḷi / 14. සික්‌ඛාපදවිභඞ්‌ගො • 14. Sikkhāpadavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-මූලටීකා • Vibhaṅga-mūlaṭīkā / 14. සික්‌ඛාපදවිභඞ්‌ගො • 14. Sikkhāpadavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-අනුටීකා • Vibhaṅga-anuṭīkā / 14. සික්‌ඛාපදවිභඞ්‌ගො • 14. Sikkhāpadavibhaṅgo
