| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
2-4. පඤ්‌ඤාසුත්‌තාදිවණ්‌ණනා
2-4. Paññāsuttādivaṇṇanā
2-4. දුතියෙ ආදිබ්‍රහ්‌මචරියිකායාති ආදිබ්‍රහ්‌මචරියමෙව ආදිබ්‍රහ්‌මචරියිකා. තෙනාහ ‘‘මග්‌ගබ්‍රහ්‌මචරියස්‌ස ආදිභූතායා’’ති. අරියොති නිද්‌දොසො පරිසුද්‌ධො. තුණ්‌හීභාවො න තිත්‌ථියානං මූගබ්‌බතගහණං විය අපරිසුද්‌ධොති අරියො තුණ්‌හීභාවො. චතුත්‌ථජ්‌ඣානන්‌ති උක්‌කට්‌ඨනිද්‌දෙසෙනෙතං වුත්‌තං, පඨමජ්‌ඣානාදීනිපි අරියො තුණ්‌හීභාවොත්‌වෙව සඞ්‌ඛං ගච්‌ඡන්‌ති. ජානන්‌ති ඉදං කම්‌මසාධනන්‌ති ආහ ‘‘ජානිතබ්‌බකං ජානාතී’’ති. යථා වා එකච්‌චො විපරීතං ගණ්‌හන්‌තො ජානන්‌තොපි න ජානාති, පස්‌සන්‌තොපි න පස්‌සති, න එවමයං. අයං පන ජානන්‌තො ජානාති, පස්‌සන්‌තො පස්‌සතීති එවමෙත්‌ථ දට්‌ඨබ්‌බො. තතියාදීනි සුවිඤ්‌ඤෙය්‍යානි.
2-4. Dutiye ādibrahmacariyikāyāti ādibrahmacariyameva ādibrahmacariyikā. Tenāha ‘‘maggabrahmacariyassa ādibhūtāyā’’ti. Ariyoti niddoso parisuddho. Tuṇhībhāvo na titthiyānaṃ mūgabbatagahaṇaṃ viya aparisuddhoti ariyo tuṇhībhāvo. Catutthajjhānanti ukkaṭṭhaniddesenetaṃ vuttaṃ, paṭhamajjhānādīnipi ariyo tuṇhībhāvotveva saṅkhaṃ gacchanti. Jānanti idaṃ kammasādhananti āha ‘‘jānitabbakaṃ jānātī’’ti. Yathā vā ekacco viparītaṃ gaṇhanto jānantopi na jānāti, passantopi na passati, na evamayaṃ. Ayaṃ pana jānanto jānāti, passanto passatīti evamettha daṭṭhabbo. Tatiyādīni suviññeyyāni.
පඤ්‌ඤාසුත්‌තාදිවණ්‌ණනා නිට්‌ඨිතා.
Paññāsuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
2. පඤ්‌ඤාසුත්‌තං • 2. Paññāsuttaṃ
3. පඨමඅප්‌පියසුත්‌තං • 3. Paṭhamaappiyasuttaṃ
4. දුතියඅප්‌පියසුත්‌තං • 4. Dutiyaappiyasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
2. පඤ්‌ඤාසුත්‌තවණ්‌ණනා • 2. Paññāsuttavaṇṇanā
3-4. අප්‌පියසුත්‌තද්‌වයවණ්‌ණනා • 3-4. Appiyasuttadvayavaṇṇanā
