| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
12. පරංමරණසුත්‌තවණ්‌ණනා
12. Paraṃmaraṇasuttavaṇṇanā
155. යථා අතීතකප්‌පෙ අතීතාසු ජාතීසු කම්‌මකිලෙසවසෙන ආගතො, තථා එතරහිපි ආගතොති තථාගතො, යථා යථා වා පන කම්‌මං කතූපචිතං, තථා තං තං අත්‌තභාවං ආගතො උපගතො උපපන්‌නොති තථාගතො, සත්‌තොති ආහ ‘‘තථාගතොති සත්‌තො’’ති. එතන්‌ති ‘‘එවං හොති භවති තිට්‌ඨති සස්‌සතිසම’’න්‌ති එවං පවත්‌තං දිට්‌ඨිගතං. අත්‌ථසන්‌නිස්‌සිතං න හොතීති දිට්‌ඨධම්‌මිකසම්‌පරායිකපරමත්‌ථතො සුඛන්‌ති පසත්‌ථසන්‌නිස්‌සිතං න හොති. ආදිබ්‍රහ්‌මචරියකන්‌ති එත්‌ථ මග්‌ගබ්‍රහ්‌මචරියං අධිප්‌පෙතං තස්‌ස පධානභාවතො. තස්‌ස පන එතං දිට්‌ඨිගතං ආදිපටිපදාමත්‌තං න හොති අනුපකාරකත්‌තා විලොමනතො ච. තතො එව ඉතරබ්‍රහ්‌මචරියස්‌සපි අනිස්‌සයොව. සෙසං වුත්‌තනයෙන වෙදිතබ්‌බං.
155. Yathā atītakappe atītāsu jātīsu kammakilesavasena āgato, tathā etarahipi āgatoti tathāgato, yathā yathā vā pana kammaṃ katūpacitaṃ, tathā taṃ taṃ attabhāvaṃ āgato upagato upapannoti tathāgato, sattoti āha ‘‘tathāgatoti satto’’ti. Etanti ‘‘evaṃ hoti bhavati tiṭṭhati sassatisama’’nti evaṃ pavattaṃ diṭṭhigataṃ. Atthasannissitaṃ na hotīti diṭṭhadhammikasamparāyikaparamatthato sukhanti pasatthasannissitaṃ na hoti. Ādibrahmacariyakanti ettha maggabrahmacariyaṃ adhippetaṃ tassa padhānabhāvato. Tassa pana etaṃ diṭṭhigataṃ ādipaṭipadāmattaṃ na hoti anupakārakattā vilomanato ca. Tato eva itarabrahmacariyassapi anissayova. Sesaṃ vuttanayena veditabbaṃ.
පරංමරණසුත්‌තවණ්‌ණනා නිට්‌ඨිතා.
Paraṃmaraṇasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 12. පරංමරණසුත්‌තං • 12. Paraṃmaraṇasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 12. පරංමරණසුත්‌තවණ්‌ණනා • 12. Paraṃmaraṇasuttavaṇṇanā
