Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. ပရိညသုတ္တံ
2. Pariññasuttaṃ
၂၃. သာဝတ္ထိနိဒာနံ။ ‘‘ပရိညေယ္ယေ စ, ဘိက္ခဝေ, ဓမ္မေ ဒေသေသ္သာမိ ပရိညဉ္စ။ တံ သုဏာထ။ ကတမေ စ, ဘိက္ခဝေ, ပရိညေယ္ယာ ဓမ္မာ? ရူပံ, ဘိက္ခဝေ, ပရိညေယ္ယော ဓမ္မော, ဝေဒနာ ပရိညေယ္ယော ဓမ္မော, သညာ ပရိညေယ္ယော ဓမ္မော, သင္ခာရာ ပရိညေယ္ယော ဓမ္မော, ဝိညာဏံ ပရိညေယ္ယော ဓမ္မော ။ ဣမေ ဝုစ္စန္တိ, ဘိက္ခဝေ, ပရိညေယ္ယာ ဓမ္မာ။ ကတမာ စ, ဘိက္ခဝေ, ပရိညာ? ယော, ဘိက္ခဝေ, ရာဂက္ခယော ဒောသက္ခယော မောဟက္ခယော။ အယံ ဝုစ္စတိ, ဘိက္ခဝေ, ပရိညာ’’တိ။ ဒုတိယံ။
23. Sāvatthinidānaṃ. ‘‘Pariññeyye ca, bhikkhave, dhamme desessāmi pariññañca. Taṃ suṇātha. Katame ca, bhikkhave, pariññeyyā dhammā? Rūpaṃ, bhikkhave, pariññeyyo dhammo, vedanā pariññeyyo dhammo, saññā pariññeyyo dhammo, saṅkhārā pariññeyyo dhammo, viññāṇaṃ pariññeyyo dhammo . Ime vuccanti, bhikkhave, pariññeyyā dhammā. Katamā ca, bhikkhave, pariññā? Yo, bhikkhave, rāgakkhayo dosakkhayo mohakkhayo. Ayaṃ vuccati, bhikkhave, pariññā’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ပရိညသုတ္တဝဏ္ဏနာ • 2. Pariññasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. ပရိညသုတ္တဝဏ္ဏနာ • 2. Pariññasuttavaṇṇanā