| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၅. ပဌမအနာယုသ္သာသုတ္တံ
5. Paṭhamaanāyussāsuttaṃ
၁၂၅. ‘‘ပဉ္စိမေ , ဘိက္ခဝေ, ဓမ္မာ အနာယုသ္သာ။ ကတမေ ပဉ္စ? အသပ္ပာယကာရီ ဟောတိ, သပ္ပာယေ မတ္တံ န ဇာနာတိ, အပရိဏတဘောဇီ စ ဟောတိ, အကာလစာရီ စ ဟောတိ, အဗ္ရဟ္မစာရီ စ။ ဣမေ ခော, ဘိက္ခဝေ, ပဉ္စ ဓမ္မာ အနာယုသ္သာ။
125. ‘‘Pañcime , bhikkhave, dhammā anāyussā. Katame pañca? Asappāyakārī hoti, sappāye mattaṃ na jānāti, apariṇatabhojī ca hoti, akālacārī ca hoti, abrahmacārī ca. Ime kho, bhikkhave, pañca dhammā anāyussā.
‘‘ပဉ္စိမေ, ဘိက္ခဝေ, ဓမ္မာ အာယုသ္သာ။ ကတမေ ပဉ္စ? သပ္ပာယကာရီ ဟောတိ, သပ္ပာယေ မတ္တံ ဇာနာတိ, ပရိဏတဘောဇီ စ ဟောတိ, ကာလစာရီ စ ဟောတိ, ဗ္ရဟ္မစာရီ စ။ ဣမေ ခော, ဘိက္ခဝေ, ပဉ္စ ဓမ္မာ အာယုသ္သာ’’တိ။ ပဉ္စမံ။
‘‘Pañcime, bhikkhave, dhammā āyussā. Katame pañca? Sappāyakārī hoti, sappāye mattaṃ jānāti, pariṇatabhojī ca hoti, kālacārī ca hoti, brahmacārī ca. Ime kho, bhikkhave, pañca dhammā āyussā’’ti. Pañcamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၅-၆. အနာယုသ္သာသုတ္တဒ္ဝယဝဏ္ဏနာ • 5-6. Anāyussāsuttadvayavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / (၁၃) ၃. ဂိလာနဝဂ္ဂော • (13) 3. Gilānavaggo
