| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. ပဌမအညတရဘိက္ခုသုတ္တံ
6. Paṭhamaaññatarabhikkhusuttaṃ
၆. သာဝတ္ထိနိဒာနံ ။ အထ ခော အညတရော ဘိက္ခု ယေန ဘဂဝာ တေနုပသင္ကမိ။ပေ.။ ဧကမန္တံ နိသိန္နော ခော သော ဘိက္ခု ဘဂဝန္တံ ဧတဒဝောစ – ‘‘‘ဗ္ရဟ္မစရိယံ, ဗ္ရဟ္မစရိယ’န္တိ, ဘန္တေ, ဝုစ္စတိ။ ကတမံ နု ခော, ဘန္တေ, ဗ္ရဟ္မစရိယံ, ကတမံ ဗ္ရဟ္မစရိယပရိယောသာန’’န္တိ?
6. Sāvatthinidānaṃ . Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘brahmacariyaṃ, brahmacariya’nti, bhante, vuccati. Katamaṃ nu kho, bhante, brahmacariyaṃ, katamaṃ brahmacariyapariyosāna’’nti?
‘‘အယမေဝ ခော, ဘိက္ခု, အရိယော အဋ္ဌင္ဂိကော မဂ္ဂော ဗ္ရဟ္မစရိယံ, သေယ္ယထိဒံ – သမ္မာဒိဋ္ဌိ။ပေ.။ သမ္မာသမာဓိ ။ ယော ခော, ဘိက္ခု, ရာဂက္ခယော ဒောသက္ခယော မောဟက္ခယော – ဣဒံ ဗ္ရဟ္မစရိယပရိယောသာန’’န္တိ။ ဆဋ္ဌံ။
‘‘Ayameva kho, bhikkhu, ariyo aṭṭhaṅgiko maggo brahmacariyaṃ, seyyathidaṃ – sammādiṭṭhi…pe… sammāsamādhi . Yo kho, bhikkhu, rāgakkhayo dosakkhayo mohakkhayo – idaṃ brahmacariyapariyosāna’’nti. Chaṭṭhaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅-၆. ကိမတ္ထိယသုတ္တာဒိဝဏ္ဏနာ • 5-6. Kimatthiyasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅-၆. ကိမတ္ထိယသုတ္တာဒိဝဏ္ဏနာ • 5-6. Kimatthiyasuttādivaṇṇanā
