| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
9. පඨමආයුසුත්‌තවණ්‌ණනා
9. Paṭhamaāyusuttavaṇṇanā
145. පණ්‌ණාසං වා වස්‌සානි ජීවති වස්‌සසතතො උපරි සෙය්‍යථාපි ථෙරො අනුරුද්‌ධො. සට්‌ඨි වා වස්‌සානි සෙය්‍යථාපි ථෙරො බාකුලො. පටිහරිත්‌වා පච්‌චනීකභාවෙ සාතං සුඛං එතස්‌සාති පච්‌චනීකසාතො, තබ්‌භාවො පච්‌චනීකසාතතා, තාය. අභිභවිත්‌වා අභාසි පටිවචනං ජානමානොව.
145.Paṇṇāsaṃvā vassāni jīvati vassasatato upari seyyathāpi thero anuruddho. Saṭṭhi vā vassāni seyyathāpi thero bākulo. Paṭiharitvā paccanīkabhāve sātaṃ sukhaṃ etassāti paccanīkasāto, tabbhāvo paccanīkasātatā, tāya. Abhibhavitvā abhāsi paṭivacanaṃ jānamānova.
න හීළෙය්‍ය න ජිගුච්‌ඡෙය්‍ය. එවන්‌ති සො දාරකො විය කිඤ්‌චි අචින්‌තෙන්‌තො සප්‌පුරිසො චරෙය්‍ය, එවං හිස්‌ස චිත්‌තදුක්‌ඛං න හොතීති අධිප්‌පායො. පජ්‌ජලිතසීසො විය චරෙය්‍යාති යථා පජ්‌ජලිතසීසො පුරිසො අඤ්‌ඤං කිඤ්‌චි අකත්‌වා තස්‌සෙව වූපසමාය වායමෙය්‍ය, එවං සප්‌පුරිසො ආයුං පරිත්‌තන්‌ති ඤත්‌වා තෙනෙව නයෙන සබ්‌බසඞ්‌ඛාරගතං අනිච්‌චං, අනිච්‌චත්‌තා එව දුක්‌ඛං, අනත්‌තාති විපස්‌සනම්‌පි ඔතරිත්‌වා තං උස්‌සුක්‌කාපෙන්‌තොපි සඞ්‌ඛාරවිගමාය චරෙය්‍ය පටිපජ්‌ජෙය්‍ය.
Na hīḷeyya na jiguccheyya. Evanti so dārako viya kiñci acintento sappuriso careyya, evaṃ hissa cittadukkhaṃ na hotīti adhippāyo. Pajjalitasīso viya careyyāti yathā pajjalitasīso puriso aññaṃ kiñci akatvā tasseva vūpasamāya vāyameyya, evaṃ sappuriso āyuṃ parittanti ñatvā teneva nayena sabbasaṅkhāragataṃ aniccaṃ, aniccattā eva dukkhaṃ, anattāti vipassanampi otaritvā taṃ ussukkāpentopi saṅkhāravigamāya careyya paṭipajjeyya.
පඨමආයුසුත්‌තවණ්‌ණනා නිට්‌ඨිතා.
Paṭhamaāyusuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 9. පඨමආයුසුත්‌තං • 9. Paṭhamaāyusuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9. පඨමආයුසුත්‌තවණ්‌ණනා • 9. Paṭhamaāyusuttavaṇṇanā
