| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
7. ගබ්‌භිනිවග්‌ගවණ්‌ණනා
7. Gabbhinivaggavaṇṇanā
1. පඨමාදිසික්‌ඛාපදවණ්‌ණනා
1. Paṭhamādisikkhāpadavaṇṇanā
1067. ‘‘ගබ්‌භිනි’’න්‌ති දස්‌සනාදීහිපි ගබ්‌භසම්‌භවතො වුත්‌තං. පදභාජනෙපි පවාරිතභාවො න දිස්‌සති.
1067.‘‘Gabbhini’’nti dassanādīhipi gabbhasambhavato vuttaṃ. Padabhājanepi pavāritabhāvo na dissati.
1074. ධාති වාති එත්‌ථ දාරකං සාමිකානං දත්‌වා ආහටෙ වඩ්‌ඪෙති, තථා මාතාපීති කෙචි.
1074.Dhāti vāti ettha dārakaṃ sāmikānaṃ datvā āhaṭe vaḍḍheti, tathā mātāpīti keci.
1080. ‘‘සික්‌ඛමාන’’න්‌ති පාඨං දීපවාසිනො රොචෙන්‌ති කිරියාකිරියත්‌තා, ජම්‌බුදීපවාසිනො ‘‘සික්‌ඛමානා’’ති. තස්‌සත්‌ථො සික්‌ඛාධම්‌මමානනතො සික්‌ඛමානාති. ඉධ කිරියා න හොති, සඤ්‌ඤාව අධිප්‌පෙතා. න එතාසු අසික්‌ඛිතා උපසම්‌පාදෙතබ්‌බා උපජ්‌ඣායිනීආදීනං ආපත්‌තිභාවා. ‘‘තස්‌සා උපසම්‌පදා හොති එවා’’ති වදන්‌ති.
1080. ‘‘Sikkhamāna’’nti pāṭhaṃ dīpavāsino rocenti kiriyākiriyattā, jambudīpavāsino ‘‘sikkhamānā’’ti. Tassattho sikkhādhammamānanato sikkhamānāti. Idha kiriyā na hoti, saññāva adhippetā. Na etāsu asikkhitā upasampādetabbā upajjhāyinīādīnaṃ āpattibhāvā. ‘‘Tassā upasampadā hoti evā’’ti vadanti.
1082. ධම්‌මකම්‌මෙති උපසම්‌පදකම්‌මං අධිප්‌පෙතං.
1082.Dhammakammeti upasampadakammaṃ adhippetaṃ.
1112. වුට්‌ඨාපිතන්‌ති සාමණෙරිභූමිතො යාය ථෙරියා උපසම්‌පදාපෙක්‌ඛා වුට්‌ඨපිතා, සා ථෙරී වුට්‌ඨාපිතා නාම, තෙනෙව පුන විසෙසනත්‌ථං ‘‘පවත්‌තිනි’’න්‌ති ආහ.
1112.Vuṭṭhāpitanti sāmaṇeribhūmito yāya theriyā upasampadāpekkhā vuṭṭhapitā, sā therī vuṭṭhāpitā nāma, teneva puna visesanatthaṃ ‘‘pavattini’’nti āha.
පඨමාදිසික්‌ඛාපදවණ්‌ණනා නිට්‌ඨිතා.
Paṭhamādisikkhāpadavaṇṇanā niṭṭhitā.
ගබ්‌භිනිවග්‌ගවණ්‌ණනා නිට්‌ඨිතා.
Gabbhinivaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga
1. පඨමසික්‌ඛාපදං • 1. Paṭhamasikkhāpadaṃ
2. දුතියසික්‌ඛාපදං • 2. Dutiyasikkhāpadaṃ
3. තතියසික්‌ඛාපදං • 3. Tatiyasikkhāpadaṃ
9. නවමසික්‌ඛාපදං • 9. Navamasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 2. දුතියසික්‌ඛාපදවණ්‌ණනා • 2. Dutiyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 5. චිත්‌තාගාරවග්‌ගවණ්‌ණනා • 5. Cittāgāravaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමාදිසික්‌ඛාපදවණ්‌ණනා • 1. Paṭhamādisikkhāpadavaṇṇanā
