| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
2. පඨමඉසිදත්‌තසුත්‌තවණ්‌ණනා
2. Paṭhamaisidattasuttavaṇṇanā
344. දුතියෙ ආයස්‌මන්‌තං ථෙරන්‌ති තෙසු ථෙරෙසු ජෙට්‌ඨකං මහාථෙරං. තුණ්‌හී අහොසීති ජානන්‌තොපි අවිසාරදත්‌තා න කිඤ්‌චි බ්‍යාහරි. බ්‍යාකරොමහං භන්‌තෙති ‘‘අයං ථෙරො නෙව අත්‌තනා බ්‍යාකරොති, න අඤ්‌ඤෙ අජ්‌ඣෙසති, උපාසකොපි භික්‌ඛුසඞ්‌ඝං විහෙසෙති, අහමෙතං බ්‍යාකරිත්‌වා ඵාසුවිහාරං කත්‌වා දස්‌සාමී’’ති චින්‌තෙත්‌වා ආසනතො වුට්‌ඨාය ථෙරස්‌ස සන්‌තිකං ගන්‌ත්‌වා එවං ඔකාසමකාසි, කතාවකාසො පන අත්‌තනො ආසනෙ නිසීදිත්‌වා බ්‍යාකාසි.
344. Dutiye āyasmantaṃ theranti tesu theresu jeṭṭhakaṃ mahātheraṃ. Tuṇhī ahosīti jānantopi avisāradattā na kiñci byāhari. Byākaromahaṃ bhanteti ‘‘ayaṃ thero neva attanā byākaroti, na aññe ajjhesati, upāsakopi bhikkhusaṅghaṃ viheseti, ahametaṃ byākaritvā phāsuvihāraṃ katvā dassāmī’’ti cintetvā āsanato vuṭṭhāya therassa santikaṃ gantvā evaṃ okāsamakāsi, katāvakāso pana attano āsane nisīditvā byākāsi.
සහත්‌ථාති සහත්‌ථෙන. සන්‌තප්‌පෙසීති යාවදිච්‌ඡකං දෙන්‌තො සුට්‌ඨු තප්‌පෙසි. සම්‌පවාරෙසීති ‘‘අලං අල’’න්‌ති හත්‌ථසඤ්‌ඤාය චෙව වාචාය ච පටික්‌ඛිපාපෙසි. ඔනීතපත්‌තපාණිනොති පාණිතො අපනීතපත්‌තා ධොවිත්‌වා ථවිකාය ඔසාපෙත්‌වා අංසෙ ලග්‌ගිතපත්‌තාති අත්‌ථො.
Sahatthāti sahatthena. Santappesīti yāvadicchakaṃ dento suṭṭhu tappesi. Sampavāresīti ‘‘alaṃ ala’’nti hatthasaññāya ceva vācāya ca paṭikkhipāpesi. Onītapattapāṇinoti pāṇito apanītapattā dhovitvā thavikāya osāpetvā aṃse laggitapattāti attho.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 2. පඨමඉසිදත්‌තසුත්‌තං • 2. Paṭhamaisidattasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. පඨමඉසිදත්‌තසුත්‌තවණ්‌ණනා • 2. Paṭhamaisidattasuttavaṇṇanā
