Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. ပဌမမဟာသမုဒ္ဒသုတ္တံ
7. Paṭhamamahāsamuddasuttaṃ
၁၁၂၇. ‘‘သေယ္ယထာပိ , ဘိက္ခဝေ, ပုရိသော မဟာသမုဒ္ဒတော ဒ္ဝေ ဝာ တီဏိ ဝာ ဥဒကဖုသိတာနိ ဥဒ္ဓရေယ္ယ။ တံ ကိံ မညထ, ဘိက္ခဝေ, ကတမံ နု ခော ဗဟုတရံ – ယာနိ ဒ္ဝေ ဝာ တီဏိ ဝာ ဥဒကဖုသိတာနိ ဥဗ္ဘတာနိ, ယံ ဝာ မဟာသမုဒ္ဒေ ဥဒက’’န္တိ? ‘‘ဧတဒေဝ, ဘန္တေ, ဗဟုတရံ, ယဒိဒံ – မဟာသမုဒ္ဒေ ဥဒကံ; အပ္ပမတ္တကာနိ ဒ္ဝေ ဝာ တီဏိ ဝာ ဥဒကဖုသိတာနိ ဥဗ္ဘတာနိ။ သင္ခမ္ပိ န ဥပေန္တိ, ဥပနိဓမ္ပိ န ဥပေန္တိ, ကလဘာဂမ္ပိ န ဥပေန္တိ မဟာသမုဒ္ဒေ ဥဒကံ ဥပနိဓာယ ဒ္ဝေ ဝာ တီဏိ ဝာ ဥဒကဖုသိတာနိ ဥဗ္ဘတာနီ’’တိ။ ‘‘ဧဝမေဝ ခော, ဘိက္ခဝေ, အရိယသာဝကသ္သ။ပေ.။ ယောဂော ကရဏီယော’’တိ။ သတ္တမံ။
1127. ‘‘Seyyathāpi , bhikkhave, puriso mahāsamuddato dve vā tīṇi vā udakaphusitāni uddhareyya. Taṃ kiṃ maññatha, bhikkhave, katamaṃ nu kho bahutaraṃ – yāni dve vā tīṇi vā udakaphusitāni ubbhatāni, yaṃ vā mahāsamudde udaka’’nti? ‘‘Etadeva, bhante, bahutaraṃ, yadidaṃ – mahāsamudde udakaṃ; appamattakāni dve vā tīṇi vā udakaphusitāni ubbhatāni. Saṅkhampi na upenti, upanidhampi na upenti, kalabhāgampi na upenti mahāsamudde udakaṃ upanidhāya dve vā tīṇi vā udakaphusitāni ubbhatānī’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Sattamaṃ.