| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. ပဌမမိတ္တာမစ္စသုတ္တံ
6. Paṭhamamittāmaccasuttaṃ
၁၀၁၂. ‘‘ယေ တေ, ဘိက္ခဝေ, အနုကမ္ပေယ္ယာထ, ယေ စ သောတဗ္ဗံ မညေယ္ယုံ – မိတ္တာ ဝာ အမစ္စာ ဝာ ဉာတီ ဝာ သာလောဟိတာ ဝာ – တေ, ဘိက္ခဝေ, စတူသု သောတာပတ္တိယင္ဂေသု သမာဒပေတဗ္ဗာ , နိဝေသေတဗ္ဗာ, ပတိဋ္ဌာပေတဗ္ဗာ။ ကတမေသု စတူသု? ဗုဒ္ဓေ အဝေစ္စပ္ပသာဒေ သမာဒပေတဗ္ဗာ, နိဝေသေတဗ္ဗာ, ပတိဋ္ဌာပေတဗ္ဗာ – ဣတိပိ သော ဘဂဝာ။ပေ.။ သတ္ထာ ဒေဝမနုသ္သာနံ ဗုဒ္ဓော ဘဂဝာတိ။ ဓမ္မေ။ပေ.။ သင္ဃေ။ပေ.။ အရိယကန္တေသု သီလေသု သမာဒပေတဗ္ဗာ, နိဝေသေတဗ္ဗာ, ပတိဋ္ဌာပေတဗ္ဗာ အခဏ္ဍေသု။ပေ.။ သမာဓိသံဝတ္တနိကေသု။ ယေ တေ, ဘိက္ခဝေ, အနုကမ္ပေယ္ယာထ , ယေ စ သောတဗ္ဗံ မညေယ္ယုံ – မိတ္တာ ဝာ အမစ္စာ ဝာ ဉာတီ ဝာ သာလောဟိတာ ဝာ – တေ, ဘိက္ခဝေ, ဣမေသု စတူသု သောတာပတ္တိယင္ဂေသု သမာဒပေတဗ္ဗာ, နိဝေသေတဗ္ဗာ, ပတိဋ္ဌာပေတဗ္ဗာ’’တိ။ ဆဋ္ဌံ။
1012. ‘‘Ye te, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, catūsu sotāpattiyaṅgesu samādapetabbā , nivesetabbā, patiṭṭhāpetabbā. Katamesu catūsu? Buddhe aveccappasāde samādapetabbā, nivesetabbā, patiṭṭhāpetabbā – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantesu sīlesu samādapetabbā, nivesetabbā, patiṭṭhāpetabbā akhaṇḍesu…pe… samādhisaṃvattanikesu. Ye te, bhikkhave, anukampeyyātha , ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, imesu catūsu sotāpattiyaṅgesu samādapetabbā, nivesetabbā, patiṭṭhāpetabbā’’ti. Chaṭṭhaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. ပဌမမိတ္တာမစ္စသုတ္တဝဏ္ဏနာ • 6. Paṭhamamittāmaccasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. ပဌမမိတ္တာမစ္စသုတ္တဝဏ္ဏနာ • 6. Paṭhamamittāmaccasuttavaṇṇanā
