| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
7. පඨමසමයසුත්‌තවණ්‌ණනා
7. Paṭhamasamayasuttavaṇṇanā
27. සත්‌තමෙ වඩ්‌ඪෙතීති මනසො විවට්‌ටනිස්‌සිතං වඩ්‌ඪිං ආවහති. මනොභාවනීයොති වා මනසා භාවිතො සම්‌භාවිතො. යඤ්‌ච ආවජ්‌ජතො මනසි කරොතො චිත්‌තං විනීවරණං හොති. ඉමස්‌මිං පක්‌ඛෙ කම්‌මසාධනො සම්‌භාවනත්‌ථො භාවනීය-සද්‌දො. ‘‘ථිනමිද්‌ධවිනොදනකම්‌මට්‌ඨාන’’න්‌ති වත්‌වා තදෙව විභාවෙන්‌තො ‘‘ආලොකසඤ්‌ඤං වා’’තිආදිමාහ. වීරියාරම්‌භවත්‌ථුආදීනං වාති එත්‌ථ ආදි-සද්‌දෙන ඉධ අවුත්‌තානං අතිභොජනෙ නිමිත්‌තග්‌ගාහාදීනං සඞ්‌ගහො දට්‌ඨබ්‌බො. වුත්‌තඤ්‌හෙතං ‘‘ඡ ධම්‌මා ථිනමිද්‌ධස්‌ස පහානාය සංවත්‌තන්‌ති අතිභොජනෙ නිමිත්‌තග්‌ගාහො, ඉරියාපථසම්‌පරිවත්‌තනතා, ආලොකසඤ්‌ඤාමනසිකාරො, අබ්‌භොකාසවාසො, කල්‍යාණමිත්‌තතා, සප්‌පායකථා’’ති (ඉතිවු. අට්‌ඨ. 111). අන්‌තරායසද්‌දපරියායො ඉධ අන්‌තරා-සද්‌දොති ආහ ‘‘අනන්‌තරායෙනා’’ති.
27. Sattame vaḍḍhetīti manaso vivaṭṭanissitaṃ vaḍḍhiṃ āvahati. Manobhāvanīyoti vā manasā bhāvito sambhāvito. Yañca āvajjato manasi karoto cittaṃ vinīvaraṇaṃ hoti. Imasmiṃ pakkhe kammasādhano sambhāvanattho bhāvanīya-saddo. ‘‘Thinamiddhavinodanakammaṭṭhāna’’nti vatvā tadeva vibhāvento ‘‘ālokasaññaṃ vā’’tiādimāha. Vīriyārambhavatthuādīnaṃ vāti ettha ādi-saddena idha avuttānaṃ atibhojane nimittaggāhādīnaṃ saṅgaho daṭṭhabbo. Vuttañhetaṃ ‘‘cha dhammā thinamiddhassa pahānāya saṃvattanti atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathā’’ti (itivu. aṭṭha. 111). Antarāyasaddapariyāyo idha antarā-saddoti āha ‘‘anantarāyenā’’ti.
පඨමසමයසුත්‌තවණ්‌ණනා නිට්‌ඨිතා.
Paṭhamasamayasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 7. පඨමසමයසුත්‌තං • 7. Paṭhamasamayasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7. පඨමසමයසුත්‌තවණ්‌ණනා • 7. Paṭhamasamayasuttavaṇṇanā
