Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၅. ပဌမသမ္ပဒာသုတ္တံ
5. Paṭhamasampadāsuttaṃ
၇၅. ‘‘အဋ္ဌိမာ , ဘိက္ခဝေ, သမ္ပဒာ။ ကတမာ အဋ္ဌ? 1 ဥဋ္ဌာနသမ္ပဒာ, အာရက္ခသမ္ပဒာ, ကလ္ယာဏမိတ္တတာ, သမဇီဝိတာ, သဒ္ဓာသမ္ပဒာ, သီလသမ္ပဒာ, စာဂသမ္ပဒာ, ပညာသမ္ပဒာ – ဣမာ ခော, ဘိက္ခဝေ, အဋ္ဌ သမ္ပဒာ’’တိ။
75. ‘‘Aṭṭhimā , bhikkhave, sampadā. Katamā aṭṭha? 2 Uṭṭhānasampadā, ārakkhasampadā, kalyāṇamittatā, samajīvitā, saddhāsampadā, sīlasampadā, cāgasampadā, paññāsampadā – imā kho, bhikkhave, aṭṭha sampadā’’ti.
‘‘ဥဋ္ဌာတာ ကမ္မဓေယ္ယေသု၊ အပ္ပမတ္တော ဝိဓာနဝာ။
‘‘Uṭṭhātā kammadheyyesu, appamatto vidhānavā;
သမံ ကပ္ပေတိ ဇီဝိကံ၊ သမ္ဘတံ အနုရက္ခတိ။
Samaṃ kappeti jīvikaṃ, sambhataṃ anurakkhati.
‘‘သဒ္ဓော သီလေန သမ္ပန္နော၊ ဝဒညူ ဝီတမစ္ဆရော။
‘‘Saddho sīlena sampanno, vadaññū vītamaccharo;
နိစ္စံ မဂ္ဂံ ဝိသောဓေတိ၊ သောတ္ထာနံ သမ္ပရာယိကံ။
Niccaṃ maggaṃ visodheti, sotthānaṃ samparāyikaṃ.
‘‘ဣစ္စေတေ အဋ္ဌ ဓမ္မာ စ၊ သဒ္ဓသ္သ ဃရမေသိနော။
‘‘Iccete aṭṭha dhammā ca, saddhassa gharamesino;
အက္ခာတာ သစ္စနာမေန၊ ဥဘယတ္ထ သုခာဝဟာ။
Akkhātā saccanāmena, ubhayattha sukhāvahā.
‘‘ဒိဋ္ဌဓမ္မဟိတတ္ထာယ၊ သမ္ပရာယသုခာယ စ။
‘‘Diṭṭhadhammahitatthāya, samparāyasukhāya ca;
ဧဝမေတံ ဂဟဋ္ဌာနံ၊ စာဂော ပုညံ ပဝဍ္ဎတီ’’တိ။ ပဉ္စမံ။
Evametaṃ gahaṭṭhānaṃ, cāgo puññaṃ pavaḍḍhatī’’ti. pañcamaṃ;
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃-၉. မရဏသ္သတိသုတ္တဒ္ဝယာဒိဝဏ္ဏနာ • 3-9. Maraṇassatisuttadvayādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. သဒ္ဓာသုတ္တာဒိဝဏ္ဏနာ • 1-10. Saddhāsuttādivaṇṇanā