| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
9. පඨමසමුග්‌ඝාතසප්‌පායසුත්‌තවණ්‌ණනා
9. Paṭhamasamugghātasappāyasuttavaṇṇanā
31. උපකාරභූතා තදාවහත්‌තා. තතොති මඤ්‌ඤිතාකාරතො. තන්‌ති මඤ්‌ඤනාවත්‌ථුං. අඤ්‌ඤෙනාකාරෙනාති යථා මඤ්‌ඤති අනිච්‌චාදිආකාරතො, අඤ්‌ඤෙන අනිච්‌චාදිනා ආකාරෙන හොති. අඤ්‌ඤථාභාවං විපරිණාමන්‌ති උප්‌පාදවයතාය අඤ්‌ඤථාභාවං ජරාය මරණෙන ච ද්‌වෙධා විපරිණාමෙතබ්‌බං. තං උපගමනෙන අඤ්‌ඤථාභාවී, එවංභූතො හුත්‌වාපි ජීරණභිජ්‌ජනසභාවෙසු. භවෙසු සත්‌තො ලොකො උපරිපි භවංයෙව අභිනන්‌දති. හෙට්‌ඨා ගහිතමෙව සඞ්‌කඩ්‌ඪිත්‌වාති ‘‘චක්‌ඛුං න මඤ්‌ඤතී’’තිආදිනා හෙට්‌ඨා ගහිතමෙව ඛන්‌ධධාතුආයතනාති ඛන්‌ධාදිපරියායෙන එකතො ගහෙත්‌වා පුනපි මඤ්‌ඤනාවත්‌ථුං දස්‌සෙති. අවසානෙ ‘‘තතො තං හොතී’’ති වුත්‌තපදෙන සද්‌ධිං සබ්‌බවාරෙසු අට්‌ඨ අට්‌ඨ හොන්‌තීති ‘‘අට්‌ඨචත්‌තාලීසාය ඨානෙසූ’’ති වුත්‌තං.
31.Upakārabhūtā tadāvahattā. Tatoti maññitākārato. Tanti maññanāvatthuṃ. Aññenākārenāti yathā maññati aniccādiākārato, aññena aniccādinā ākārena hoti. Aññathābhāvaṃ vipariṇāmanti uppādavayatāya aññathābhāvaṃ jarāya maraṇena ca dvedhā vipariṇāmetabbaṃ. Taṃ upagamanena aññathābhāvī, evaṃbhūto hutvāpi jīraṇabhijjanasabhāvesu. Bhavesu satto loko uparipi bhavaṃyeva abhinandati. Heṭṭhā gahitameva saṅkaḍḍhitvāti ‘‘cakkhuṃ na maññatī’’tiādinā heṭṭhā gahitameva khandhadhātuāyatanāti khandhādipariyāyena ekato gahetvā punapi maññanāvatthuṃ dasseti. Avasāne ‘‘tato taṃ hotī’’ti vuttapadena saddhiṃ sabbavāresu aṭṭha aṭṭha hontīti ‘‘aṭṭhacattālīsāya ṭhānesū’’ti vuttaṃ.
පඨමසමුග්‌ඝාතසප්‌පායසුත්‌තවණ්‌ණනා නිට්‌ඨිතා.
Paṭhamasamugghātasappāyasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 9. පඨමසමුග්‌ඝාතසප්‌පායසුත්‌තං • 9. Paṭhamasamugghātasappāyasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9. පඨමසමුග්‌ඝාතසප්‌පායසුත්‌තවණ්‌ණනා • 9. Paṭhamasamugghātasappāyasuttavaṇṇanā
