| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
6. පඨමවිභඞ්‌ගසුත්‌තවණ්‌ණනා
6. Paṭhamavibhaṅgasuttavaṇṇanā
506. ඡට්‌ඨෙ කායිකන්‌ති කායපසාදවත්‌ථුකං. සුඛන්‌ති අයමස්‌ස සරූපනිද්‌දෙසො. සාතන්‌ති තස්‌සෙව වෙවචනං, මධුරන්‌ති වුත්‌තං හොති. කායසම්‌ඵස්‌සජන්‌ති කායසම්‌ඵස්‌සතො ජාතං. සුඛං සාතන්‌ති වුත්‌තනයමෙව. වෙදයිතන්‌ති අයමස්‌ස සබ්‌බවෙදනාසාධාරණො අඤ්‌ඤධම්‌මවිසිට්‌ඨො සභාවනිද්‌දෙසො. ඉමිනා නයෙන සෙසෙසුපි අත්‌ථො වෙදිතබ්‌බො. කායිකං වා චෙතසිකං වාති එත්‌ථ පන චක්‌ඛාදයො චත්‌තාරො පසාදකායෙ වත්‌ථුං කත්‌වා උප්‌පත්‌තිවසෙන කායිකන්‌ති වුත්‌තං. කායපසාදවත්‌ථුකං පන අදුක්‌ඛමසුඛං නාම නත්‌ථි.
506. Chaṭṭhe kāyikanti kāyapasādavatthukaṃ. Sukhanti ayamassa sarūpaniddeso. Sātanti tasseva vevacanaṃ, madhuranti vuttaṃ hoti. Kāyasamphassajanti kāyasamphassato jātaṃ. Sukhaṃ sātanti vuttanayameva. Vedayitanti ayamassa sabbavedanāsādhāraṇo aññadhammavisiṭṭho sabhāvaniddeso. Iminā nayena sesesupi attho veditabbo. Kāyikaṃ vā cetasikaṃ vāti ettha pana cakkhādayo cattāro pasādakāye vatthuṃ katvā uppattivasena kāyikanti vuttaṃ. Kāyapasādavatthukaṃ pana adukkhamasukhaṃ nāma natthi.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. පඨමවිභඞ්‌ගසුත්‌තං • 6. Paṭhamavibhaṅgasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. පඨමවිභඞ්‌ගසුත්‌තවණ්‌ණනා • 6. Paṭhamavibhaṅgasuttavaṇṇanā
