| Library / Tipiṭaka / तिपिटक • Tipiṭaka / सारत्थदीपनी-टीका • Sāratthadīpanī-ṭīkā |
६. पाटिदेसनीयकण्डं
6. Pāṭidesanīyakaṇḍaṃ
पाटिदेसनीयसिक्खापदवण्णना
Pāṭidesanīyasikkhāpadavaṇṇanā
५५२. पाटिदेसनीयेसु पठमे ‘‘गारय्हं आवुसोतिआदि पटिदेसेतब्बाकारदस्सन’’न्ति वचनतो पाळियं आगतनयेनेव आपत्ति देसेतब्बा। असप्पायन्ति सग्गमोक्खानं अहितं अननुकूलं। सेसमेत्थ उत्तानमेव। परिपुण्णूपसम्पन्नता, अञ्ञातिकता, अन्तरघरे ठिताय हत्थतो सहत्था पटिग्गहणं, यावकालिकता, अज्झोहरणन्ति इमानि पनेत्थ पञ्च अङ्गानि।
552. Pāṭidesanīyesu paṭhame ‘‘gārayhaṃ āvusotiādi paṭidesetabbākāradassana’’nti vacanato pāḷiyaṃ āgatanayeneva āpatti desetabbā. Asappāyanti saggamokkhānaṃ ahitaṃ ananukūlaṃ. Sesamettha uttānameva. Paripuṇṇūpasampannatā, aññātikatā, antaraghare ṭhitāya hatthato sahatthā paṭiggahaṇaṃ, yāvakālikatā, ajjhoharaṇanti imāni panettha pañca aṅgāni.
५५७-५६२. दुतियततियचतुत्थेसु नत्थि वत्तब्बं, अङ्गेसु पन दुतिये परिपुण्णूपसम्पन्नता, पञ्चभोजनता, अन्तरघरे ठिताय अनुञ्ञातप्पकारतो अञ्ञथा वोसासना, अनिवारणा, अज्झोहारोति इमानि पञ्च अङ्गानि।
557-562. Dutiyatatiyacatutthesu natthi vattabbaṃ, aṅgesu pana dutiye paripuṇṇūpasampannatā, pañcabhojanatā, antaraghare ṭhitāya anuññātappakārato aññathā vosāsanā, anivāraṇā, ajjhohāroti imāni pañca aṅgāni.
ततिये सेक्खसम्मतता, पुब्बे अनिमन्तितता, अगिलानता, घरूपचारोक्कमनं, ठपेत्वा निच्चभत्तादीनि अञ्ञं आमिसं गहेत्वा भुञ्जनन्ति इमानि पञ्च अङ्गानि।
Tatiye sekkhasammatatā, pubbe animantitatā, agilānatā, gharūpacārokkamanaṃ, ṭhapetvā niccabhattādīni aññaṃ āmisaṃ gahetvā bhuñjananti imāni pañca aṅgāni.
चतुत्थे यथावुत्तआरञ्ञकसेनासनता, यावकालिकस्स अतत्थजातकता, अगिलानता, अगिलानावसेसकता, अप्पटिसंविदितता, अज्झारामे पटिग्गहणं, अज्झोहरणन्ति इमानि सत्त अङ्गानि।
Catutthe yathāvuttaāraññakasenāsanatā, yāvakālikassa atatthajātakatā, agilānatā, agilānāvasesakatā, appaṭisaṃviditatā, ajjhārāme paṭiggahaṇaṃ, ajjhoharaṇanti imāni satta aṅgāni.
पाटिदेसनीयसिक्खापदवण्णना निट्ठिता।
Pāṭidesanīyasikkhāpadavaṇṇanā niṭṭhitā.
पाटिदेसनीयकण्डं निट्ठितं।
Pāṭidesanīyakaṇḍaṃ niṭṭhitaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga
१. पठमपाटिदेसनीयसिक्खापदं • 1. Paṭhamapāṭidesanīyasikkhāpadaṃ
२. दुतियपाटिदेसनीयसिक्खापदं • 2. Dutiyapāṭidesanīyasikkhāpadaṃ
३. ततियपाटिदेसनीयसिक्खापदं • 3. Tatiyapāṭidesanīyasikkhāpadaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā
१. पठमपाटिदेसनीयसिक्खापदवण्णना • 1. Paṭhamapāṭidesanīyasikkhāpadavaṇṇanā
२. दुतियपाटिदेसनीयसिक्खापदवण्णना • 2. Dutiyapāṭidesanīyasikkhāpadavaṇṇanā
३. ततियपाटिदेसनीयसिक्खापदवण्णना • 3. Tatiyapāṭidesanīyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / २. दुतियपाटिदेसनीयसिक्खापदवण्णना • 2. Dutiyapāṭidesanīyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / १. पठमपाटिदेसनीयसिक्खापदवण्णना • 1. Paṭhamapāṭidesanīyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
१. पठमपाटिदेसनीयसिक्खापद-अत्थयोजना • 1. Paṭhamapāṭidesanīyasikkhāpada-atthayojanā
२. दुतियपाटिदेसनीयसिक्खापदं • 2. Dutiyapāṭidesanīyasikkhāpadaṃ
३. ततियपाटिदेसनीयसिक्खापदं • 3. Tatiyapāṭidesanīyasikkhāpadaṃ
