| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၂. ပာတိမောက္ခဋ္ဌပနာသုတ္တံ
2. Pātimokkhaṭṭhapanāsuttaṃ
၃၂. ‘‘ကတိ နု ခော, ဘန္တေ, ပာတိမောက္ခဋ္ဌပနာ’’တိ? ‘‘ဒသ ခော, ဥပာလိ, ပာတိမောက္ခဋ္ဌပနာ။ ကတမေ ဒသ? ပာရာဇိကော တသ္သံ ပရိသာယံ နိသိန္နော ဟောတိ , ပာရာဇိကကထာ ဝိပ္ပကတာ ဟောတိ, အနုပသမ္ပန္နော တသ္သံ ပရိသာယံ နိသိန္နော ဟောတိ, အနုပသမ္ပန္နကထာ ဝိပ္ပကတာ ဟောတိ, သိက္ခံ ပစ္စက္ခာတကော တသ္သံ ပရိသာယံ နိသိန္နော ဟောတိ, သိက္ခံ ပစ္စက္ခာတကကထာ ဝိပ္ပကတာ ဟောတိ, ပဏ္ဍကော တသ္သံ ပရိသာယံ နိသိန္နော ဟောတိ, ပဏ္ဍကကထာ ဝိပ္ပကတာ ဟောတိ, ဘိက္ခုနိဒူသကော တသ္သံ ပရိသာယံ နိသိန္နော ဟောတိ, ဘိက္ခုနိဒူသကကထာ ဝိပ္ပကတာ ဟောတိ – ဣမေ ခော, ဥပာလိ, ဒသ ပာတိမောက္ခဋ္ဌပနာ’’တိ။ ဒုတိယံ။
32. ‘‘Kati nu kho, bhante, pātimokkhaṭṭhapanā’’ti? ‘‘Dasa kho, upāli, pātimokkhaṭṭhapanā. Katame dasa? Pārājiko tassaṃ parisāyaṃ nisinno hoti , pārājikakathā vippakatā hoti, anupasampanno tassaṃ parisāyaṃ nisinno hoti, anupasampannakathā vippakatā hoti, sikkhaṃ paccakkhātako tassaṃ parisāyaṃ nisinno hoti, sikkhaṃ paccakkhātakakathā vippakatā hoti, paṇḍako tassaṃ parisāyaṃ nisinno hoti, paṇḍakakathā vippakatā hoti, bhikkhunidūsako tassaṃ parisāyaṃ nisinno hoti, bhikkhunidūsakakathā vippakatā hoti – ime kho, upāli, dasa pātimokkhaṭṭhapanā’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၂. ပာတိမောက္ခဋ္ဌပနာသုတ္တဝဏ္ဏနာ • 2. Pātimokkhaṭṭhapanāsuttavaṇṇanā
